Qazaqstan musylmandary dini basqarmasy elimiz boiynsha ait namazynyń kestesin jariialady, dep habarlaidy Dalanews.kz.
Oraza ait qashan?
QMDB málimetine súiensek, 20 naýryz - Oraza ait meiramy.
Oraza aitty qalai ótkizgen abzal?
Bul - Ramazan aiynan keiin keletin eń mańyzdy merekelerdiń biri, keshirim etýge jáne jaqsylyq jasaýǵa arnalǵan erekshe ýaqyt.
- Tańdy ait namazymen bastaý - eń saýapty amaldardyń biri. Múmkindik bolsa, meshitke baryp, jamaǵatpen birge namaz oqý usynylady.
- Bul kúni jaqyndarmen qaýyshyp, ata-anaǵa, týystarǵa baryp amandasý mańyzdy. Renjisken jandar bolsa, tatýlasýǵa tyrysqan jón.
- Oraza ait - qaiyrymdylyq pen jomarttyqtyń merekesi. Muqtaj jandarǵa kómektesip, sadaqa berý - úlken saýap.
- Dastarqan jaiyp, týǵan-týysty, kórshi-qolańdy shaqyrý da igi dástúrdiń biri. Bul kúndi jyly qarym-qatynas pen shynaiy kóńil kúide ótkizý mańyzdy.
- Eń bastysy - bul kúndi bosqa ótkizbeý. Jaqsylyq jasap, jaqsy sóz aityp, nietti taza ustaý Oraza aittyń mánin asha túsedi.
