Қазақстан мұсылмандары діни басқармасы еліміз бойынша айт намазының кестесін жариялады, деп хабарлайды Dalanews.kz.
Ораза айт қашан?
ҚМДБ мәліметіне сүйенсек, 20 наурыз - Ораза айт мейрамы.
Ораза айтты қалай өткізген абзал?
Бұл - Рамазан айынан кейін келетін ең маңызды мерекелердің бірі, кешірім етуге және жақсылық жасауға арналған ерекше уақыт.
- Таңды айт намазымен бастау - ең сауапты амалдардың бірі. Мүмкіндік болса, мешітке барып, жамағатпен бірге намаз оқу ұсынылады.
- Бұл күні жақындармен қауышып, ата-анаға, туыстарға барып амандасу маңызды. Ренжіскен жандар болса, татуласуға тырысқан жөн.
- Ораза айт - қайырымдылық пен жомарттықтың мерекесі. Мұқтаж жандарға көмектесіп, садақа беру - үлкен сауап.
- Дастарқан жайып, туған-туысты, көрші-қолаңды шақыру да игі дәстүрдің бірі. Бұл күнді жылы қарым-қатынас пен шынайы көңіл күйде өткізу маңызды.
- Ең бастысы - бұл күнді босқа өткізбеу. Жақсылық жасап, жақсы сөз айтып, ниетті таза ұстау Ораза айттың мәнін аша түседі.
