ۇلتتىق اتوم كومپانيياسى قازاتومٶنەركەسٸپ قازاقستاننىڭ 2025 جىلى ۋران ٶندٸرۋ كٶلەمٸن 11%-عا ۇلعايتىپ, 25 839 تونناعا جەتكٸزگەنٸن مەلٸمدەدٸ. بۇل كٶرسەتكٸش 2024 جىلعى 23 270 توننامەن سالىستىرعاندا ايتارلىقتاي جوعارى, دەپ حابارلايدى Dalanews.kz.
كومپانييا مەلٸمەتٸنشە, 2025 جىلى ٶندٸرٸس كٶلەمٸنٸڭ ٶسۋٸ ٶندٸرٸستٸك جوسپاردىڭ ۇلعايۋىمەن بايلانىستى.
"2025 جىلى ٶندٸرٸس كٶلەمٸ 2024 جىلمەن سالىستىرعاندا ارتتى. بۇعان كومپانييا بەكٸتكەن ٶندٸرٸستٸك جوسپاردىڭ ۇلعايۋى سەبەپ بولدى", – دەلٸنگەن حابارلامادا.
ال 2026 جىلى قازاقستاندا ۋران ٶندٸرۋ كٶلەمٸ 27,5 مىڭ –29 مىڭ توننا ارالىعىندا بولادى دەپ جوسپارلانىپ وتىر.
ٶندٸرٸس ٶسٸمٸنٸڭ نەگٸزگٸ بٶلٸگٸ "بۋدەنوۆسكوە" بٸرلەسكەن كەسٸپورنىنىڭ جوبالىق قۋاتقا كەزەڭ-كەزەڭٸمەن شىعۋىمەن تٷسٸندٸرٸلەدٸ. بۇل كەسٸپورىننىڭ 2024–2026 جىلدارداعى 100% ٶندٸرٸس كٶلەمٸ وففتەيك-كەلٸسٸمشارت اياسىندا الدىن الا رەزەرۆتەلگەن.
قالعان ۋران ٶندٸرۋشٸ كەسٸپورىندارداعى ٶندٸرٸس ٶسٸمٸ كومپانييانىڭ قورلارىن قالىپتاستىرۋعا جەنە قولايلى دەڭگەيدە ۇستاپ تۇرۋعا باعىتتالماق. كومپانييانىڭ ايتۋىنشا, مۇنداي ستراتەگييالىق تەسٸل تۇتىنۋشىلار الدىنداعى كەلٸسٸمشارتتىق مٸندەتتەمەلەردٸ ٷزدٸكسٸز ورىنداۋعا, سونداي-اق سۇرانىس پەن ۇسىنىس اراسىنداعى تەڭگەرٸمسٸزدٸك كٷشەيگەن جاعدايدا قوسىمشا قۇن الۋعا مٷمكٸندٸك بەرەدٸ.
2025 جىلى كومپانييالار توبى بويىنشا ساتىلىم كٶلەمٸ دە 11%-عا ارتىپ, 18 495 تونناعا جەتكەن. ۋراننىڭ ورتاشا ساتۋ باعاسى U₃O₈ فۋنتىنا 65,10 دوللار بولعان. 2026 جىلعا ارنالعان ساتۋ جوسپارى 19 500–20 500 توننا دەڭگەيٸندە بەلگٸلەنگەن.
"قازاتومٶنەركەسٸپتٸڭ" نەگٸزگٸ اكتسيونەرلەرٸ – سامۇرىق-قازىنا ۇلتتىق ەل-اۋقات قورى (75%), قازاقستان رەسپۋبليكاسى قارجى مينيسترلٸگٸ (12,01%) جەنە Citibank, N.A. – New York (دەپوزيتارلىق قولحاتتاردىڭ نومينالدى ۇستاۋشىسى, 24,35%).
ٷشٸنشٸ تاراپتاردىڭ باعالاۋىنشا, 2025 جىلى سپوت-نارىقتاعى مەمٸلەلەر كٶلەمٸ 55,3 ملن فۋنت U₃O₈ (شامامەن 21 270 توننا ۋران) بولدى. ورتاشا اپتالىق باعا 72,75 دوللار/فۋنت دەڭگەيٸندە قالىپتاستى. بۇل 2024 جىلعى 36,75 ملن فۋنت (شامامەن 14 135 توننا) جەنە 86,28 دوللار/فۋنت باعاسىمەن سالىستىرعاندا, مەمٸلەلەر كٶلەمٸنٸڭ 50%-عا ارتقانىن كٶرسەتەدٸ. باعانىڭ 16%-عا تٶمەندەۋٸ 2024 جىلدىڭ باسىنداعى جوعارى باعالارمەن بايلانىستى, ول كەزدە اقش سەناتىندا رەسەي يادرولىق وتىنىن يمپورتتاۋعا تىيىم سالۋ تۋرالى زاڭ جوباسى تالقىلانعان ەدٸ.
كومپانييا ەسەبٸندە 2025 جىلدىڭ قورىتىندىسى بويىنشا ۇزاقمەرزٸمدٸ كەلٸسٸمشارتتارداعى ۋران باعاسى 86,50 دوللار/فۋنت U₃O₈ بولعانى, بۇل ٶتكەن جىلمەن سالىستىرعاندا 7%-عا جوعارى ەكەنٸ كٶرسەتٸلگەن. ۇزاقمەرزٸمدٸ مەمٸلەلەردٸڭ جالپى كٶلەمٸ 104 ملن فۋنت U₃O₈ (شامامەن 40 مىڭ توننا ۋران) بولدى. بۇل 2024 جىلعى كٶرسەتكٸشپەن شامالاس.
"قازاتومٶنەركەسٸپ" ۋران تاپشىلىعى 2030 جىلعا قاراي-اق سەزٸلە باستايدى دەپ بولجاپ وتىر جەنە وسىعان بايلانىستى جاڭا كەن ورىندارىن بارلاۋ جۇمىستارىن قولعا العان.
ساراپشىلاردىڭ ەسەپتەۋٸنشە, 2040 جىلعا قاراي ەلەمدٸك ۋرانعا دەگەن سۇرانىس ەكٸ ەسەگە ارتۋى مٷمكٸن. قازاقستان شامامەن 300 مىڭ توننا ۋران قورىنا يە, ەلەمدٸك ۋران ٶندٸرٸسٸنٸڭ 40%-ىن قامتاماسىز ەتەدٸ. الايدا ەلدە ۋراندى بايىتۋ ٶندٸرٸسٸ جولعا قويىلماعان.
