قازاق تٸلٸنٸڭ مەرتەبەسٸ تۋرالى قوعامدىق پٸكٸرتالاستار جيٸلەپ تۇرعان شاقتا ەنشٸ رۋسلان جايىقباەۆ ەلەۋمەتتٸك جەلٸدە ايتقان داۋلى پٸكٸرٸمەن ەلدٸڭ اشۋىنا تيدٸ. ول قازاق تٸلٸندە سٶيلەۋدٸ تالاپ ەتكەن ازاماتتاردى «سٶيلەشنيكتەر» دەپ اتاپ, ولاردى «شاحتاعا اپارىپ, سول جەردە عانا سٶيلەسۋگە» جٶنەلتۋدٸ ۇسىنعان, دەپ حابارلايدى Dalanews.kz.
جايىقباەۆ Instagram جەلٸسٸندەگٸ پاراقشاسىندا بىلاي دەپ جازعان:
«سٶيلەشنيكتەردٸ ايدالاداعى شاحتاعا اپارىپ تاستاۋ كەرەك. سول جاقتان شىقپاي, بٸر-بٸرٸمەن سول جەردە سٶيلەسە بەرسٸن. پروۆيزييانى رەتپەن بەرٸپ, كەزەكپەن عانا جۋىندىرۋ قاجەت. كومەندانتتىق ساعات ەنگٸزسە – مەسەلە شەشٸلەدٸ».
ەلەۋمەتتٸك جەلٸلەردە ەنشٸنٸڭ اتى اتالعالى بەرٸ ونىڭ Ne Prosto Orchestra قۇرامىندا بولعانى جايلى اقپارات تارادى. وسىعان بايلانىستى وركەستردٸڭ رەسمي پاراقشاسىندا مەلٸمدەمە جارييالاندى:
"قۇرمەتتٸ بٸزدٸڭ تىڭداۋشىلار مەن وقىرماندار! ەلەۋمەتتٸك جەلٸلەردە ۆوكاليست تۋرالى تۋىنداعان قازٸرگٸ جاعداي بٸزدٸڭ دە نازارىمىزدان قالمادى. Ne Prosto Orchestra ەرتٷرلٸ ورىنداۋشىلارمەن بٸر رەتتٸك جوبا نەگٸزٸندە جۇمىس ٸستەيدٸ. كونتسەرت اياسىندا شاقىرىلعان ورىنداۋشىلار وركەستردٸڭ شتاتتىق قىزمەتكەرلەرٸ ەمەس جەنە بۇل ولاردىڭ رەسمي جۇمىس ورنىن بٸلدٸرمەيدٸ.
ولاردىڭ جەكە پٸكٸرلەرٸ — ولاردىڭ جەكە جاۋاپكەرشٸلٸگٸ. وركەستردٸڭ رەسمي پوزيتسيياسىن, سونداي-اق كومپانييانىڭ ماقساتتارى مەن كٶزقاراسىن تەك بٸزدٸڭ رەسمي پاراقشامىز جەنە وركەستر جەتەكشٸسٸ مادييار تويبولدى عانا اقپارات بەرە الادى جەنە راستاي الادى. بٸز كەز كەلگەن ديسكريميناتسييا مەن جەكە كٶرۋشٸلٸك تٷرلەرٸن ايىپتايمىز. بٸز ٷشٸن مۋزىكا — بۇل قۇرمەت پەن بٸرلٸك كەڭٸستٸگٸ!", دەيدٸ ولار.
وركەستر مەلٸمدەمەسٸندە جايىقباەۆتىڭ ەندٸگٸ ۋاقىتتا توپتىڭ كونتسەرتتەرٸنە شاقىرىلمايتىنىن دا حابارلادى.
ەسكە سالايىق, بۇعان دەيٸن ەلەۋمەتتٸك جەلٸلەردە Magnum سۋپەرماركەتتەر جەلٸسٸنٸڭ كۋرەرٸ جۇمىستان شىعارىلۋى ٷلكەن تالقىعا تٷستٸ. بۇل جاعداي كۋرەر كليەنتتەن قازاق تٸلٸندە سٶيلەۋٸن سۇراۋىنان كەيٸن بولدى.
كليەنت اسىلحان ەسٸمدٸ ازاماتتىڭ ايتۋىنشا, ول Magnum-نان ازىق-تٷلٸككە تاپسىرىس بەرگەن كەزدە, كۋرەر ودان قازاقشا سٶيلەۋدٸ تالاپ ەتكەن. كەيٸن بۇل وقيعا ەلەۋمەتتٸك جەلٸدە جارييالانىپ, نەتيجەسٸندە كۋرەر جۇمىستان قۋىلعان.
بۇل جاعداي قوعامدا ٷلكەن نارازىلىق تۋدىردى. قازاقستاندىقتار Magnum جەلٸسٸنە بويكوت جارييالايتىنىن مەلٸمدەدٸ. ەلەۋمەتتٸك جەلٸ قولدانۋشىلارى كومپانييانىڭ ەرەكەتٸن سىنعا الىپ, مەملەكەتتٸك تٸلگە دەگەن قۇرمەت تٶمەن ەكەنٸن جازدى.
الايدا كٷنٸ كەشە قوعامدا بٸراز كٷننەن بەرٸ قىزۋ داۋعا اينالعان Magnum مەسەلەسٸنە نٷكتە قويىلىپ,ەلدٸ شۋلاتقان ەكەۋ تاتۋلاسىپ, جۇرت الدىنا شىقتى.
