قارۋلى كٷشتەردٸڭ جوعارعى باس قولباسشىسى – قازاقستان رەسپۋبليكاسىنىڭ پرەزيدەنتٸ ن.ە. نازارباەۆتىڭ «ايبىن» رەسپۋبليكالىق ەسكەري-پاتريوتتىق جاستار جيىنىنا قاتىسۋشىلارعا جولداعان حاتى
قازاقستاننىڭ ەسكەري-پاتريوتتىق كلۋبتارىنىڭ ٷزدٸك ٶكٸلدەرٸنە, ەسكەري مەكتەپتەردٸڭ وقۋشىلارى مەن جوعارى وقۋ ورىندارىنىڭ ەسكەري كافەدرالارى ستۋدەنتتەرٸنە شىن جٷرەكتەن ىستىق ىقىلاسىمدى بٸلدٸرەمٸن. ەلٸمٸزدە قازاقستان رەسپۋبليكاسىنىڭ قارۋلى كٷشتەرٸ قاتارىنداعى جاس ۇرپاقتى جاۋىنگەرلٸك قىزمەتكە دايارلاپ جاتقان 2 مىڭعا جۋىق ەسكەري-پاتريوتتىق ۇيىم بار. وتانىمىزدى – مەڭگٸلٸك ەلدٸ قورعاۋ جەنە ەسكەر قاتارىندا قىزمەت ەتۋ – ەر قازاقستاندىقتىڭ قاستەرلٸ بورىشى. كەسٸبي وتان قورعاۋشى بولۋ – جوعارى پاتريوتيزمنٸڭ كٶرٸنٸسٸ. سٸزدەر حالقىمىزدىڭ داڭقتى تاريحىنىڭ لايىقتى مۇراگەرلەرٸ رەتٸندە بۇدان 70 جىل بۇرىن ۇلى وتان سوعىسىندا جەڭٸسكە جەتكەن باتىرلار ەرلٸگٸن ەردايىم ەستە ساقتايدى دەپ ەسەپتەيمٸن. ەسكەرگە, ونىڭ زامانعا ساي قارۋلانۋىنا جەنە ەسكەري دايىندىعىنا قامقورلىق – قازاقستاندى نىعايتۋ جولىنداعى 100 ناقتى قادامنىڭ – ۇلت جوسپارىنىڭ ماڭىزدى بٶلٸگٸ. ونى جٷزەگە اسىرۋ ٸسٸ باستالىپ تا كەتتٸ. «ايبىن» رەسپۋبليكالىق ەسكەري-پاتريوتتىق جاستار جيىنىنا قاتىسۋشىلارعا تٶزٸمدٸلٸك, مىقتىلىق, ەسكەري بەيٸمدٸلٸك, كوماندالىق رۋح جەنە ٶزارا جولداستىق كٶمەككە ادالدىق تٸلەيمٸن!
قر قورعانىس مينيسترٸ يمانعالي تاسماعامبەتوۆ تۇڭعىش رەت ٶتكٸزٸلٸپ وتىرعان ەسكەري-پاتريوتتىق جارىستىڭ مەنٸ مەن ماڭىزى تۋرالى ٶز ويىن بٸلدٸرٸپ, قاتىسۋشىلارعا ەلباسى نۇرسۇلتان نازارباەۆتىڭ قۇتتىقتاۋ سٶزٸن وقىپ بەردٸ. قورعانىس مينيسترٸ جاستاردى وتانسٷيگٸشتٸككە باۋلۋ ٷشٸن تەك جالاڭ ۇرانمەن ەمەس, ناقتى ٸستەردٸڭ تيگٸزەر ىقپالى زور ەكەنٸن باسا ايتتى. سونىڭ بٸرٸ تۇڭعىش قولعا الىنىپ وتىرعان وسى شارا ەكەندٸگٸن جەتكٸزٸپ: «وتانىن قورعاۋ – بارشا ازاماتتاردىڭ اسىل بورىشى. تۋعان ەلٸڭدٸ سٷيۋ ٷشٸن ەۋەلٸ ونىڭ قادٸر-قاسيەتٸن بٸلۋٸڭ كەرەك», – دەدٸ.
بەس كٷندٸك شاراعا ەلٸمٸزدٸڭ ەر تٷكپٸرٸنەن كەلگەن جاس جەتكٸنشەكتەر ايرىقشا ەسەر العاندارىن جەتكٸزدٸ. وتان قورعاۋ كيەلٸ ۇعىم, ول ۇعىمدى ەشۋاقىت ەلسٸرەتۋگە بولمايدى دەگەن ويىن جەتكٸزگەن جاستار ٶزدەرٸنٸڭ ەسەرلەرٸمەن بٶلٸستٸ.
سايىس بارىسىندا جالپى كوماندالىق بٸرٸنشٸ جٷلدەلٸ ورىنداردى: ەسكەري-پاتريوتتىق كلۋبتار اراسىندا استانا قالاسىنداعى «جاس ۇلان» ەسكەري-پاتريوتتىق كلۋبىنىڭ, جوو ەسكەري كافەدرالارى اراسىندا د. سەرٸكباەۆ اتىنداعى شىعىس قازاقستان مەملەكەتتٸك تەحنيكالىق ۋنيۆەرسيتەتٸنٸڭ, رەسپۋبليكالىق ەسكەري مەكتەپ-ينتەرناتتارى اراسىندا ت. بيگەلدينوۆ اتىنداعى قاراعاندى رەسپۋبليكالىق ەسكەري مەكتەپ-ينتەرناتىنىڭ كوماندالارى يەلەندٸ. بۇدان ٶزگە دە ارنايى سىيلىقتارمەن ٷزدٸك نەتيجە كٶرسەتكەن كوماندالار ماراپاتتالدى.
شارانىڭ جابىلۋى كەزٸندە جاسى 18-گە تولماعان "ايبىندىقتار" ەۋەدە ەسكەري ۇشاقتاردى شارىقتاتىپ, 15 بوزبالا پاراشيۋتپەن ارنايى الاڭقايعا قوندى. جينالعاندار جاس ساربازداردىڭ ەرلٸكتەرٸ مەن ەپتٸلٸكتەرٸنە سٷيسٸندٸ.
مۇحاممەد اقاشەۆ, شىمكەنتتٸك «جاس بٷركٸت» ەسكەري-پاتريوتتىق كلۋبىنىڭ تەربيەلەنۋشٸسٸ:
– مەن پاراشيۋتپەن بٸرٸنشٸ سەكٸرگەنٸم ٷشٸن قۇرمەت بەلگٸسٸنە يە بولدىم. ونى ماعان قر قورعانىس مينيسترٸنٸڭ ٶزٸ تابىس ەتتٸ. بۇل ماعان قانات بٸتٸردٸ, دەسانتشى بولسام دەگەن ارمانىم بار جەنە بولاشاقتا قازاقستاننىڭ اەروۇتقىر ەسكەرلەرٸندە قىزمەت ەتكٸم كەلەدٸ. قازاقستاننىڭ بٸرٸنشٸ رەسپۋبليكالىق جاستار جيىنىنا قاتىسقانىمدى ماقتان تۇتامىن. وسى كٷندەردەگٸ كٶپتەگەن سىناقتاردى بٸز لايىقتى يگەرە الدىق. بۇل جارىس كەزٸندە ٶزگە ايماقتاردان كەلگەن زامانداستارىمىزبەن تانىستىق. بٸز بۇل كٷندەردٸ ۇمىتپاق ەمەسپٸز.
– بٸز وسى جارىستاردى كٶپتەن كٷتتٸك جەنە دايىندالدىق. اتالعان جيىن بٸز ٷشٸن دايارلىعىمىزدى سىناۋعا جەنە ٶزٸمٸزدٸ كٶرسەتۋگە تاماشا مٷمكٸندٸك بەردٸ. ەرينە, وڭاي بولعان جوق, قارسىلاستارىمىز مىقتى, دەگەنمەن ٶجەتتٸلٸك پەن تاباندىلىق بٸزدٸڭ ٷزدٸك اتانۋىمىزعا سەپتٸگٸن تيگٸزدٸ. سايىس كەزٸندە تٷرلٸ سىناقتاردان ٶتۋمەن قاتار, ٶزٸمٸزدٸڭ وتانىمىزدىڭ ەر تٷكپٸرٸنەن كەلگەن جاستارمەن ەڭگٸمەلەسۋدٸڭ, دوستاسۋدىڭ سەتٸ تٷستٸ. قازاق دالاسىنىڭ ەربٸر تاسىن قورعاۋ – بارشا وتانداستارىمىزدىڭ مٸندەتٸ دەپ ويلايمىن. بٸز وتانىمىزدىڭ ەر جەتٸستٸگٸن ماقتان ەتەمٸز.
جۇمابەك حاسەنوۆ, قر قك قۇرلىق ەسكەرلەرٸ باس قولباسشىلىعىنىڭ تەربيە جەنە ەلەۋمەتتٸك-قۇقىقتىق جۇمىستار جٶنٸندەگٸ ورىنباسارى, پولكوۆنيك:
– اۋقىمدى ٷش كٷندٸك جيىن جەنە بٷگٸنگٸ سالتاناتتى جابىلۋ رەسٸمٸ وسىنداي ٸس-شارانىڭ جوعارى دەڭگەيدە ٶتكٸزٸلٸپ وتىرعانىن كٶرسەتتٸ. بارلىق ٶڭٸرلەردەن كەلگەن جاس قىز-جٸگٸتتەر جاقسى ەسەر الدى. بولاشاقتا وتانىمىزدىڭ قورعانىنا اينالاتىن ٶسكەلەڭ ۇرپاق ٷشٸن بۇل تەربيە مەكتەبٸ. جاستار ٶز ٶڭٸرلەرٸنە شىنىققان كٷيٸندە جاقسى كٶڭٸل-كٷيمەن قايتۋدا. وسىنداي ٸس-شارالار جالعاسىن تاۋىپ, دەستٷرگە اينالادى دەگەن ويدامىن.
دۋمان تاناباسوۆ
