تٷرلٸ حيمييالىق كومپەنەتتەردەن دايىندالاتىن يننوۆاتسييالىق ٶنٸمدٸ شىعارۋ ٷشٸن عالىم 10 جىلىن سارپ ەتكەنٸن العا تارتتى.
– دٷنيەجٷزٸندە قالىپتاسقان قاعيدا بويىنشا كەز كەلگەن قۇرىلىس نىسانىن سالعاندا ونىڭ ٶرتكە قارسى قاۋٸپسٸزدٸگٸنە باسا مەن بەرٸلەدٸ. قۇرىلىس ماتەريالدارىنىڭ 20 پايىزعا جۋعى ٶرت قاۋٸپسٸزدٸگٸنە جۇمسالاتىنىن بٸرەۋ بٸلسە, بٸرەۋ بٸلمەۋٸ مٷمكٸن. وسىدان-اق, قازٸرگٸ تاڭدا قاۋٸپسٸزدٸك مەسەلەسٸنٸڭ قانشالىقتى ماڭىزدى ورىنعا شىعىپ وتىرعانىن بايقايمىز. ٶز باسىم ٶرتكە قارسى ح-FLAME جابىنىن ەزٸرلەۋ ٷشٸن 10 جىلعا تاياۋ ۋاقىتىمدى سارپ ەتتٸم. بٸزدٸڭ جابىندى كٶرگەن ادام العاشقىدا بوياۋمەن شاتاستىرادى. يە, ونى قۇرىلىسقا بوياۋ سيياقتى قولدانىلادى. دەگەنمەن ونى ٶرتكە قارسى جابىن دەپ اتاعان جٶن. ول اعاش پەن تەمٸرگە بوياۋ سيياقتى جاعىلعانمەن, ٶرت ورىن العان جاعدايدا حيمييالىق رەاكتسيياعا تٷسٸپ, قالىڭدىعى 1-1,5 ميلليمەتر كٶلەمٸندەگٸ جابىن كٶبٸكتەنٸپ, ٶزٸنٸڭ باستاپقى قالىڭدىعىنان 50-100 ەسەگە دەيٸن ٸسٸنٸپ شىعادى. وسىلايشا ح-FLAME قۇرىلىس نىسانىنىڭ قاڭقالارىن جانىپ كەتپەۋدەن ساقتايدى. قۇرىلىستىڭ سىرىن جەتٸك بٸلەمەيتٸن جاندار «تەمٸر وتقا جانۋشى ما ەدٸ» دەپ جيٸ ايتادى. يە, تەمٸر وتقا جانبايدى. بٸراق قاندايدا بٸر ٸرٸ نىساندا ٶرت ورىن السا ول بٸراز ۋاقىتتان سوڭ, تەمپەراتۋرا 500 گرادۋسقا دەيٸن كٶتەرٸلٸپ, تۇتاس عيمارتتى ۇستاپ تۇرعان تەمٸر باعانالار جوعارى تەمپەراتۋرا كەزٸندە ٶزٸنٸڭ بەرٸكتٸك قاسيەتٸن جوعالتىپ, قۇلاپ تٷسەدٸ. وسىلايشا تەمٸر باعاندار مايىسىپ, كٶز الدىڭىزدا عيمارات وپىرىلىپ قۇلاپ تٷسۋٸ مٷمكٸن. ەگەر تەمٸر باعانالارعا ح-FLAME جابىنمەن قاپتالسا, مۇنداي قۇلاۋدىڭ الدىن الۋعا بولادى, – دەپ ۆلاديمير لەوندۆيچ بٸزگە ٶرتكە قارسى جابىننىڭ سىرىن قىسقاشا بايانداپ بەردٸ.
[caption id="attachment_21447" align="alignleft" width="379"]
مايتالمان عالىم ٶرتكە قارسى جابىننىڭ قۇپييا-سىرىن بارىنشا تٷسٸندٸرۋ ٷشٸن كومپيۋتەرٸن قوسىپ, جٷرگٸزگەن ٸس-تەجٸريبەلەرٸن دە كٶرسەتتٸ. ول اعاشتان جاسالعان ەكٸ يتتٸڭ ۇياسىنىڭ بٸرٸن ح-FLAME ٶرتكە قارسى جابىنىمەن قاپتاپ, ەكٸنشٸسٸن قاپتاماي ٶرتەگەندە 10-15 مينۋتتىڭ ٸشٸندە قاپتالماعان ۇياشىق ٶرتەنٸپ, زاماتتا كٷلگە اينالدى. ال ٶرتكە قارسى جابىن قولدانىلعان ۇياشىق ٸسٸنٸپ, مٷلدە جانباي قويدى. بۇدان كەيٸن ۆلاديمير لەوندۆيچ جانباعان ۇياشىقتىڭ سىرتىنداعى كٶبٸكتٸ قىرىپ تاستاعاندا اعاش ٶرتەنبەك تٷگٸلٸ, كٷيٸك تە شالماعانىن كٶرٸپ, قايران قالدىق. ٶز كەزەگٸندە بٸلٸكتٸ عالىم عيمارتتىڭ جاناتىن جەنە جانبايتىن كونسترۋكتسييالارىنا ح-FLAME ٶرتكە قارسى جابىندى قولدانسا 5 جىلعا دەيٸن تٸلسٸز جاۋدان قورىقپاۋعا بولاتىنىن ايتتى. قازٸرگٸ تاڭدا جانۋ مەسەلەلەرٸ ينستيتۋتى وسى بٸر كومپوزيتتٸك قۇرىلىس ماتەريالىن جىل سايىن 60 تونناعا دەيٸن شىعارىپ, ەلٸمٸز بەن سىرت ەلدەرگە ساۋدالاپ وتىر.
الماتىداعى روزباكيەۆ كٶشەسٸنٸڭ بويىنداعى «مەگا1» ساۋدا كەشٸنٸن, اباي مەن روزباكيەۆ كٶشەسٸنٸڭ قيىلىسىنداعى سپورت كەشەنٸن, «ريتتس پلاز» مەيرامحاناسىن جەنە «ابدي» ساۋدا كەشەنٸن سالعاندا قۇرىلىسشىلار وتاندىق ٶنٸمدٸ پايدالانىپتى. بۇدان باسقا ەلٸمٸزدەگٸ جەس-تەر دە 20 تونناداي ح-FLAME ٶرتكە قارسى جابىنىن ساتىپ العانىن بٸلدٸك. سونىمەن قاتار وتاندىق ٶنٸم شەتەلدٸڭ دەل وسىنداي جابىندارىمەن سالىستىرعاندا باعا جەنە تيٸمدٸلٸك جاعىنان ٶزٸنٸڭ بەسەكەلەستٸگٸن كٶرسەتٸپتٸ. ەڭگٸمە اراسىندا بٷگٸندە جانۋ مەسەلەلەرٸ ينستيتۋتى شىعارىپ وتىرعا ٶرتكە قارسى جابىن ٶزگە ەلدەردٸڭ ٶنٸمدەرٸمەن بەسەكەلەسٸپ, قازاقستانداعى نارىقتىڭ 30 پايىزىن قامتىپ وتىرعانىن بٸلدٸك. وسى رەتتە وتاندىق ٶنٸم رەسەي, قىتاي, ۇلبريتانييادا شىعاتىن ٶرتكە قارسى جابىنداردان كەم تٷسپەگەنٸن ايتا كەتۋٸمٸز كەرەك.
نۇرلان جۇماحانوۆ, «ۇعتاو» اق قوعاممەن بايلانىس بٶلٸمٸ.
