سەبەبى، باسقا باسپا «كود دا ءۆينچيدى» ورىس تىلىندە شىعارعالى جاتىر. باسپالار اراسىنداعى باسەكەلەستىك... ءبىرىنشى شىعارسا، قانشاما پايدا كورەيىن دەپ تۇر. ءبىراق باسەكەلەستىك ساپاعا «جۇمىس ىستەگەن» كەزدە عانا جەڭىسكە جەتۋگە بولاتىنىن باسپا باسشىلارى اشكوزدىكپەن ۇمىتتى. سوسىن، ارينە، قاتتى سىنالدى. ساباق ۇستىندە ماگيسترانتتار تاعى دا اياماي سىناپ جاتتى. ال مەن بۇل جولى پىكىرتالاسقا قوسىلمادىم. ءۇنسىز ويعا شومىپ وتىردىم.
«ءبارىبىر مۇندا باسپالار اراسىندا باسەكەلەستىك بار. ءبىزدىڭ كوپتەگەن باسپالار ايۋعا ۇقسايدى: ۇكىمەتتەن تەندەردى الادى دا، كۇزدە كىتاپ شىعارىپ، قىس بويى، كوكتەم بويى ۇيىقتايدى. بىزدەگى باسپا باسشىلارىنىڭ بالالارى باسپانىڭ ءومىرى ەسىگىن اشپاسا دا، اي سايىن جالاقى الىپ وتىرادى. وزدەرى باسقا مەكەمەدە جۇمىس ىستەيدى. ماسكەۋلىك ءبىر باسپا قازاقستانداعى مەديسينالىق ۋنيۆەرسيتەتتەرمەن جەكە-جەكە كەلىسىم-شارت جاساسىپ، قازاق تىلىندەگى مەديسينالىق كىتاپتاردى شىعارىپ بەرىپ وتىر. قازاق اۋدارىپ جاتىر، رەداكتورى – قازاق. باسپا ميلليونداعان پايدا تاۋىپ جاتىر. ۇكىمەتكە قاراپ، موينىن سوزىپ «تەندەر، تەندەر» دەپ جىلاي بەرەتىن قازاق باسپالارىنىڭ باسشىلارى تەندەر قولعا تيگەن سوڭ، نەگە ۇيىقتاپ جاتادى؟ اناۋ ماسكەۋلىك باسپا قازاقستاندىق مەدينستيتۋتتاردان الىپ جاتقان ميلليونداردى نەگە قازاق باسپالارى المايدى؟ الدە قازاق تىلىندە كىتاپ شىعارا الماي ما؟ ليسەنزياسىن ساتىپ الىپ، قازاق تىلىندەگى مەديسينالىق كىتاپتاردى سولار شىعارسا، كىم جولىن كەسىپتى؟».
مەن سولاي ءوز ويىممەن ارپالىسىپ وتىردىم...
اياگۇل مانتايەۆا، ماسكەۋ.
