پرەزيدەنت قاسىم-جومارت توقاەۆ قۇرىلتايعا بالالاردى ەلەۋمەتتٸك جەلٸلەردەن قورعاۋ, ەرەكشە قاجەتتٸلٸگٸ بار بالالاردى قولداۋ, ەنەرگەتيكا, ونلاين-پلاتفورمالار مەن بۇقارالىق اقپارات قۇرالدارىنا قاتىستى بٸرقاتار زاڭ جوباسىن جەدەل قاراۋدى تاپسىردى, دەپ حابارلايدى Dala News.
مەملەكەت باسشىسى قوس پالاتالى پارلامەنتتٸڭ دەپۋتاتتارى قاراپ ٷلگەرمەگەن بٸرقاتار زاڭ جوباسى ەندٸ قۇرىلتايدىڭ قاراۋىنا ۇسىنىلاتىنىن ايتتى.
پرەزيدەنت ەرەكشە قاجەتتٸلٸگٸ بار بالالاردى جان-جاقتى قولداۋعا ارنالعان زاڭ جوباسىنا ەرەكشە نازار اۋداردى. ونىڭ ايتۋىنشا, بۇل مەسەلە بۇعان دەيٸن ۇلتتىق قۇرىلتايدىڭ بۋرابايداعى وتىرىسىندا دا كٶتەرٸلگەن.
«بۇدان بٶلەك, قۇرىلتاي قوس پالاتالى پارلامەنتتٸڭ دەپۋتاتتارى قاراپ ٷلگەرمەگەن بٸرقاتار زاڭ جوباسىن قابىلداۋعا تيٸس. ەرەكشە قاجەتتٸلٸگٸ بار بالالاردى جان-جاقتى قولداۋ جٶنٸندەگٸ زاڭعا باسا نازار اۋدارۋ قاجەت. مەن وسى مەسەلە جٶنٸندە ۇلتتىق قۇرىلتايدىڭ بۋرابايداعى وتىرىسىندا ايتتىم. بٸز ەرەكشە قاجەتتٸلٸگٸ بار بالالارعا كٶرسەتٸلەتٸن اتاۋلى قولداۋدىڭ تيٸمدٸ جٷيەسٸن قۇرۋىمىز كەرەك. ولاردىڭ تولىققاندى بٸلٸم الۋىنا جاعداي جاساۋ قاجەت. ەسٸرەسە, مەديتسينالىق جەنە ەلەۋمەتتٸك قىزمەتتەردٸڭ ساپاسىن ارتتىرۋ كەرەك. وسىنداي بالالارعا ارنالعان ورتالىقتاردى ەر وبلىستىڭ جەنە ٷلكەن اۋدانداردىڭ قالالارىندا سالۋ قاجەت. دەمەۋشٸلەر دە وسى ماڭىزدى ٸس-شاراعا قاتىسادى دەپ سەنەمٸن. مەملەكەت شىن مۇقتاج جاندارعا ەردايىم قولداۋ كٶرسەتۋٸ كەرەك. بۇل – مەن ٷشٸن تۇراقتى ۇستانىم», – دەدٸ قاسىم-جومارت توقاەۆ.
سونىمەن قاتار پرەزيدەنت 16 جاسقا تولماعان بالالاردىڭ ەلەۋمەتتٸك جەلٸلەرگە تٸركەلۋٸنە زاڭ جٷزٸندە تىيىم سالۋ مەسەلەسٸنە توقتالدى.
ونىڭ ايتۋىنشا, ٷكٸمەت بۇل باستامانى ۇسىنىپ وتىر جەنە ەلەمنٸڭ كٶپتەگەن ەلٸندە وسىنداي شارالار قابىلدانىپ جاتىر. توقاەۆ بۇل ۇسىنىستى قولدايتىنىن جەتكٸزدٸ.
«وسى ورايدا, ٷكٸمەت 16 جاسقا تولماعان بالالاردىڭ ەلەۋمەتتٸك جەلٸگە تٸركەلۋٸنە زاڭ ارقىلى تىيىم سالۋدى ۇسىنىپ وتىر. بۇل مەسەلەگە تاياۋدا ٶتكەن تامىز كونفەرەنتسيياسىندا ارنايى توقتالىپ ٶتتٸم. مۇنداي شارا ەلەمنٸڭ كٶپتەگەن ەلٸندە قابىلدانىپ جاتىر. مەن مۇنى قولدايمىن. وسى جۇمىسقا باسا نازار اۋدارۋ قاجەت دەپ سانايمىن. بٸراق تيٸستٸ زاڭدى قابىلداساق, ونى تولىعىمەن جٷزەگە اسىرۋ مەسەلەسٸن ويلاۋىمىز كەرەك, سەبەبٸ, قاۋقارسىز زاڭ ەشكٸمگە قاجەت ەمەس. ەنەرگەتيكا سالاسىنىڭ تەحنولوگييالىق تۇراقتىلىعىن قامتاماسىز ەتۋگە, بالامالى ەنەرگييا كٶزدەرٸن دامىتۋعا مٷمكٸندٸك بەرەتٸن زاڭ جوبالارىن دا تەزدەتٸپ قاراستىرۋ ماڭىزدى. سونداي-اق ونلاين-پلاتفورمالار مەن ماسس-مەديا مەسەلەسٸنە قاتىستى زاڭدارعا ايرىقشا نازار اۋدارۋ كەرەك. اقپارات كەڭٸستٸگٸندە ازاماتتاردىڭ قۇقىقتارى مەن زاڭدى مٷددەلەرٸن قورعاۋ ٷشٸن قوسىمشا شارالار قابىلداۋ قاجەت», – دەدٸ پرەزيدەنت.
مەملەكەت باسشىسى قۇرىلتايدىڭ نەگٸزگٸ مٸندەتتەرٸنٸڭ بٸرٸ ەل زاڭناماسىن زامان تالابىنا ساي جاڭعىرتۋ ەكەنٸن اتاپ ٶتتٸ.
«تٷپتەپ كەلگەندە, قۇرىلتاي ەلٸمٸزدٸڭ زاڭنامالارىن زامان تالابىنا ساي جاڭعىرتۋى كەرەك. ۇلتتىق مٷددەنٸ, جۇرتشىلىقتى تولعاندىراتىن مەسەلەلەردٸ جەنە قازٸرگٸ ەلەمدٸك ٷردٸستەردٸ ەسكەرە وتىرىپ, بۇل جۇمىستى جەدەل ەرٸ ساپالى اتقارعان جٶن. بٸز قازٸر قوعامدا جاڭا قۇندىلىقتاردى ورنىقتىرىپ جاتىرمىز. بۇل – كٷردەلٸ, اسقان ۇقىپتىلىقتى تالاپ ەتەتٸن ٶتە قاجەتتٸ جۇمىس. جاڭا ەتيكانى قالىپتاستىرۋ ٸسٸ ەل الدىنداعى ازاماتتاردىڭ, سونداي-اق مەملەكەتتٸك قىزمەتشٸلەردٸڭ جٷرٸس-تۇرىسىنا, مٸنەز-قۇلقىنا بايلانىستى ەكەنٸ سٶزسٸز. قوعامدىق ورىنداردا كەلەڭسٸز, جٶنسٸز ەرەكەتتەرگە جول بەرمەۋ قاجەت. دەپۋتاتتار زاڭ قابىلداۋمەن قاتار, جاڭا قوعامدىق ەتيكانى دەرٸپتەۋگە ٷلەس قوسۋعا تيٸس. بۇل دا – ۇلتتىق مٷددەگە تٸكەلەي قاتىسى بار ماڭىزدى مەسەلە», – دەدٸ قاسىم-جومارت توقاەۆ.
پرەزيدەنت رەفورمالاردىڭ نەتيجەسٸن قوعام ەڭ الدىمەن دەپۋتاتتاردىڭ جۇمىسىنا قاراپ باعالايتىنىن ايتتى.
«جالپى, جۇرتىمىز ەلدەگٸ رەفورمالاردىڭ قانشالىقتى نەتيجەلٸ بولعانىن, ەڭ الدىمەن, سٸزدەردٸڭ قىزمەتتەرٸڭٸزگە قاراپ باعالايدى. بۇرىنعى پارلامەنتپەن سالىستىرعاندا, قۇرىلتايدىڭ قۇرامىندا ەيەلدەر مەن جاستاردىڭ ٷلەسٸ ەدەۋٸر ٶستٸ. اۋقىمدى ٶزگەرٸستەر مەملەكەتتٸك باسقارۋ ٸسٸنە, ەسٸرەسە, جاڭا بۋىننىڭ, ياعني جٸگەرلٸ, وتانشىل, ەڭبەكقور جاستاردىڭ كەلۋٸنە سەبەپشٸ بولدى. ەكٸمدەر قۇرامىندا, مەملەكەتتٸك مەكەمەلەردە, بيزنەستە جاس بۋىن ٶكٸلدەرٸ الدىڭعى قاتارعا شىعا باستادى. بۇل – بٸز جٷرگٸزگەن رەفورمالاردىڭ اسا ماڭىزدى نەتيجەسٸ. اشىعىن ايتساق, ينستيتۋتسيونالدىق ٶزگەرٸستەردٸڭ تٷپكٸ ماقساتى دا – بيلٸكتٸڭ بارلىق تارماعىنداعى كادرلاردى جاڭارتۋ, ياعني ساياساتقا جاڭاشىل, جاسامپاز ادامداردى ەكەلۋ. قازٸرگٸ زاماندا جاتتاندى شەشٸم, ەسكٸرگەن كٶزقاراس, جالاڭ پوپۋليزم ەشكٸمگە كەرەك ەمەس», – دەدٸ مەملەكەت باسشىسى.
