3 جەلتوقسان كۇنى الماتىداعى «الاتاۋ» كونسەرت زالىندا «قاسيەتتىم – جەلتوقسان!» اتتى كونسەرت بيىل ەكىنشى رەت وتكەلى وتىر. اتالعان مەرەكەلىك شارا 1986 جىلعى جەلتوقسانداعى الاڭدا شىرقالعان اندەرمەن قاتار، جەلتوقساندى جىرلاعان شىعارمالار جانە دە ەل تاۋەلسىزدىگىن تولعايتىن وتانشىلدىق رۋحتاعى اندەر ورىندالادى. شارانى الماتى قالاسى ىشكى ساياسات باسقارماسىنىڭ الماتى قالاسىندا ۇكىمەتتىك ەمەس ۇيىمدارمەن الەۋمەتتىك ماڭىزى بار جوبالاردى جۇزەگە اسىرۋ بويىنشا تاپسىرىسى اياسىنداعى تىكەلەي قولداۋىمەن «جەرۇيىق» قوعامدىق بىرلەستىگى ۇيىمداستىرۋدا.
بۇل ءان مەن جىر كەشىن ۇيىمداستىرۋداعى باستى ماقسات – 1986 جىلعى جەلتوقسان وقيعاسى تاقىرىبىندا جارىق كورگەن مۋزىكالىق شىعارمالار مەن اندەردى ناسيحاتتاۋ.
كونسەرتتە كەزىندە جەلتوقسان الاڭىندا شىرقالعان «اتامەكەن» انىنەن باستاپ، وقيعادان كەيىنگى ۋاقىتتا شىققان «جەلتوقسان تاعىلىمى»، «جەلتوقسان جەلى»، «بوستاندىقتىڭ بويتۇمارى – جەلتوقسان»، «قارا باۋىر قاسقالداق»، «جەلتوقسان مارشى»، «جەلتوقسان جاستارى مارشى» جانە «قايسار قازاق» سىندى جەلتوقسان تاقىرىبىنا ارنالعان اندەرمەن قاتار، ەل تاۋەلسىزدىگىن تولعايتىن وتانشىلدىق رۋحتاعى اندەر ورىندالادى.
كونسەرتكە قازاقستاننىڭ حالىق ءارتىسى، مەملەكەتتىك سىيلىقتىڭ لاۋرەاتى، ءانشى نۇرعالي ءنۇسىپجانوۆ، قازاقستان رەسپۋبليكاسىنىڭ ەڭبەك سىڭىرگەن ءارتىسى، ءانشى باعدات سامەدينوۆا، قازاقستاننىڭ حالىق ءارتىسى، مەملەكەتتىك سىيلىقتىڭ لاۋرەاتى، ءانشى ماقپال ءجۇنىسوۆا، انشى-كومپوزيتور ابۇيىربەك تىنالييەۆ، قازاقستاننىڭ ەڭبەك سىڭىرگەن ءارتىسى، كۇيشى ايگۇل ۇلكەنبايەۆا، قازاقستاننىڭ ەڭبەك سىڭىرگەن قايراتكەرى، ءانشى قۇدايبەرگەن بەكىش، قازاقستاننىڭ ەڭبەك سىڭىرگەن قايراتكەرى، ءانشى قۇرمانبەك ءالىمعازى، ءومىرقۇل اينيازوۆ، ءبىرجان حاسانعالييەۆ، ءاليا ءابىلقايىر، ارتۇر ىزتىلەۋوۆ جانە «الاش ۇلى» توبى سىندى ونەر جۇلدىزدارى قاتىسادى.
«قمد» اقپارات
