3 jeltoqsan kúni Almatydaǵy «Alataý» konsert zalynda «Qasıettim – Jeltoqsan!» atty konsert bıyl ekinshi ret ótkeli otyr. Atalǵan merekelik shara 1986 jylǵy jeltoqsandaǵy alańda shyrqalǵan ándermen qatar, jeltoqsandy jyrlaǵan shyǵarmalar jáne de el táýelsizdigin tolǵaıtyn otanshyldyq rýhtaǵy ánder oryndalady. Sharany Almaty qalasy İshki saıasat basqarmasynyń Almaty qalasynda úkimettik emes uıymdarmen áleýmettik mańyzy bar jobalardy júzege asyrý boıynsha tapsyrysy aıasyndaǵy tikeleı qoldaýymen «Jeruıyq» qoǵamdyq birlestigi uıymdastyrýda.

Bul án men jyr keshin uıymdastyrýdaǵy basty maqsat – 1986 jylǵy Jeltoqsan oqıǵasy taqyrybynda jaryq kórgen mýzykalyq shyǵarmalar men ánderdi nasıhattaý.

Konsertte kezinde jeltoqsan alańynda shyrqalǵan «Atameken» áninen bastap, oqıǵadan keıingi ýaqytta shyqqan «Jeltoqsan  taǵylymy», «Jeltoqsan  jeli», «Bostandyqtyń  boıtumary – jeltoqsan», «Qara  baýyr qasqaldaq», «Jeltoqsan marshy», «Jeltoqsan jastary marshy» jáne «Qaısar qazaq» syndy jeltoqsan taqyrybyna arnalǵan ándermen qatar, el táýelsizdigin tolǵaıtyn otanshyldyq rýhtaǵy ánder oryndalady.

Konsertke Qazaqstannyń Halyq ártisi, Memlekettik syılyqtyń laýreaty, ánshi Nurǵalı Núsipjanov, Qazaqstan Respýblıkasynyń eńbek sińirgen ártisi, ánshi Baǵdat Sámedınova, Qazaqstannyń Halyq ártisi, Memlekettik syılyqtyń laýreaty, ánshi Maqpal Júnisova, ánshi-kompozıtor Ábúıirbek Tinálıev, Qazaqstannyń eńbek sińirgen ártisi, kúıshi Aıgúl Úlkenbaeva, Qazaqstannyń eńbek sińirgen qaıratkeri, ánshi Qudaıbergen Bekish, Qazaqstannyń eńbek sińirgen qaıratkeri, ánshi Qurmanbek Álimǵazy, Ómirqul Aınıazov, Birjan Hasanǵalıev, Álıa Ábilqaıyr, Artur İztileýov jáne «Alashuly» toby syndy óner juldyzdary qatysady.

«QmD» aqparat