قارلىعاش جامانقۇلوۆا «ەدٸل سٶز» سٶز بوستاندىعىن قورعاۋ حالىقارالىق قورىنىڭ پرەزيدەنتٸ قىزمەتٸنەن كەتەدٸ, دەپ حابارلايدى dalanews.kz.
«ەدٸل سٶز» سٶز بوستاندىعىن قورعاۋ حالىقارالىق قورى قور پرەزيدەنتٸ قارلىعاش جامانقۇلوۆانىڭ ٶكٸلەتتٸگٸ اياقتالعانىن حابارلادى. ول باسشىلىق ەتكەن ٷش جارىم جىلدا قور قىزمەتٸنٸڭ اۋقىمى مەن مازمۇنى ەدەۋٸر كەڭەيدٸ: جۋرناليستەرگە تٸكەلەي قۇقىقتىق كٶمەك كٶرسەتۋمەن قاتار, زاڭنامانى جەتٸلدٸرۋگە باعىتتالعان جٷيەلٸ جۇمىس تا جولعا قويىلدى.
قۇقىقتىق قورعاۋ
2022 جىلعى جەلتوقساننان بەرٸ قور ٶڭٸرلٸك جەنە رەسپۋبليكالىق باق ٶكٸلدەرٸنە, بلوگەرلەر مەن جۋرناليستەرگە 1 989 زاڭگەرلٸك كەڭەس بەردٸ, 49 سوت پروتسەسٸندە مەديا قىزمەتكەرلەرٸنٸڭ مٷددەسٸن قورعادى, 25 رەسمي مەلٸمدەمە مەن اشىق ٷندەۋ جەنە 16 قۇقىقتىق شولۋ جارييالادى.
زاڭنامانى جەتٸلدٸرۋ
وسى كەزەڭدە قور باق, اقپاراتقا قول جەتكٸزۋ, مەديا مەن جۋرناليستەردٸڭ مٷددەسٸنە قاتىستى زاڭ جوبالارى بويىنشا قۇرىلعان جۇمىس توپتارىنا جٷيەلٸ تٷردە قاتىستى. بۇل قوردىڭ قابىلدانىپ قويعان شەشٸمدەرگە ٷن قاتۋمەن عانا شەكتەلمەي, نەگٸزگٸ قۇجاتتاردىڭ مازمۇنىنا ەزٸرلەۋ كەزەڭٸندە ىقپال ەتۋٸنە مٷمكٸندٸك بەردٸ.
«ماسس-مەديا تۋرالى» زاڭدى ەزٸرلەۋ بارىسىندا قاتاڭ شەكتەۋلەردٸ كٶزدەيتٸن نورمالاردىڭ ەنگٸزٸلۋٸنە جول بەرٸلمەدٸ. اتاپ ايتقاندا, «ەرەكشە جاعدايلار» كەزٸندە قۇقىق قورعاۋ ورگاندارىنا باق-قا قاتىستى شامادان تىس ٶكٸلەتتٸك بەرۋ جەنە ماتەريالداردى جارييالاماس بۇرىن لاۋازىمدى تۇلعالارمەن كەلٸسۋ تالاپتارى الىنىپ تاستالدى. جالا جابۋعا قاتىستى تالاپ قويۋ مەرزٸمٸ بٸر جىل بولىپ بەلگٸلەندٸ; باق ساۋالدارىنا جاۋاپ بەرۋ مەرزٸمٸ 7 جۇمىس كٷنٸنەن 5 جۇمىس كٷنٸنە قىسقارتىلدى; جۋرناليستٸڭ قوسىمشا قورعاۋ شارالارىن قامتيتىن ەرەكشە قۇقىقتىق مەرتەبەسٸ بەكٸتٸلدٸ.
قور اككرەديتتەۋ سالاسىنداعى شەكتەۋشٸ نورمالارعا جٷيەلٸ تٷردە قارسى تۇردى: مەدەنيەت مينيسترلٸگٸ بۇيرىعىنىڭ جوباسىنا بالاما ۇسىنىستار ەزٸرلەدٸ, جۋرناليستٸڭ اككرەديتتەۋدەن باس تارتۋ تۋرالى شەشٸمگە شاعىمدانۋ قۇقىعىن قۇجاتقا ەنگٸزۋگە جەنە اككرەديتتەۋدٸ تۇراقتى ەرٸ ۋاقىتشا تٷرلەرگە بٶلۋگە قول جەتكٸزدٸ.
قور سونداي-اق مەدەنيەت جەنە اقپارات مينيسترلٸگٸنٸڭ 12 بۇيرىق جوباسىنا ۇسىنىستار جولدادى, شەتەلدٸك باق-تى اككرەديتتەۋ شارتتارىنا قاتىستى قر سىرتقى ٸستەر مينيسترلٸگٸنە ۇسىنىس ەنگٸزدٸ, جۋرناليستەر قاۋٸپسٸزدٸگٸن قامتاماسىز ەتۋ جٶنٸندەگٸ ۇلتتىق ستراتەگييانىڭ تۇجىرىمداماسىن ۇسىندى. بۇعان قوسا, قر قىلمىستىق كودەكسٸنٸڭ 274-بابىن شەكتەن تىس كەڭ تٷسٸندٸرۋگە جول بەرمەۋ ٷشٸن نورماتيۆتٸك قاۋلى قابىلداۋ تۋرالى ۇسىنىسپەن جوعارعى سوتقا جٷگٸنۋ باستاماسىن كٶتەردٸ.
كەسٸبي دامۋ جەنە جاڭا ستاندارتتار
وسى كەزەڭدە قور قازاقستاندا ەلەمدٸك تەجٸريبەدە كەڭٸنەن مويىندالعان شەشٸم جۋرناليستيكاسى جانرىن العاش رەت جٷيەلٸ تٷردە ەنگٸزدٸ. وقىتۋعا جەتەكشٸ شەتەلدٸك ساراپشىلار تارتىلىپ, 150-دەن استام قازاقستاندىق جۋرناليست وسى جانر بويىنشا كەسٸبي دايارلىقتان ٶتتٸ. بۇدان بٶلەك, قور ەل بويىنشا 53 ۆەبينار, 15 شەبەرلٸك ساباعىن, 28 سەمينار مەن ترەنينگ ٶتكٸزٸپ, 30 وقىتۋ بەينەماتەريالىن جارييالادى.
«بٸز ٷشٸن زاڭ بۇزۋشىلىقتاردى تٸركەۋمەن عانا شەكتەلمەي, قۇقىقتىق كٶمەكتٸ تالدامالىق جەنە زاڭنامالىق جۇمىستارمەن ۇشتاستىرۋ ماڭىزدى بولدى. وسى جىلدار بويعى ادال ەرٸ نەتيجەلٸ بٸرلەسكەن جۇمىس ٷشٸن كومانداعا, ٶڭٸرلٸك تٸلشٸلەرگە, حالىقارالىق سەرٸكتەستەرگە جەنە قازاقستاننىڭ بٷكٸل جۋرناليستەر قاۋىمىنا العىس ايتامىن», – دەپ تٷيٸندەدٸ قارلىعاش جامانقۇلوۆا.
