قر قارجى مينيسترلٸگٸنٸڭ 2024 جىلدىڭ 10 ايىندا ۇلتتىق قورعا تٷسكەن جەنە الىنعان قاراجاتتار بويىنشا ەسەبٸ جارييالاندى, دەپ حابارلايدى Dalanews.kz.
2024 جىلى 1 قاڭتاردا ۇلتتىق قوردا 29,8 ترلن تەڭگە بولعان. قاڭتار-قازان ايلارى ارالىعىندا قور تاعى 5,8 ترلن تەڭگە قاراجاتپەن تولىقتى.
تارقاتىپ ايتساق:
- جەرگٸلٸكتٸ بيۋدجەتتەرگە بٶلٸنگەن سالىقتاردى قوسپاعاندا, مۇناي سەكتورىنداعى ۇيىمداردان تٸكەلەي تۇسكەن سالىق - 3 234 640 661,7 مىڭ تەڭگە;
- جەرگٸلٸكتٸ بيۋدجەتتەرگە ەسەپتەلگەن تٷسٸمدەردٸ قوسپاعاندا, مۇناي سەكتورىنداعى ۇيىمداردىڭ جٷزەگە اسىرعان وپەراتسييالارىنان تٷسكەن باسقا دا سالىقتىقتار - 17 093 809,7 مىڭ تەڭگە;
- اۋىل شارۋاشىلىعى ماقساتىنداعى جەر ۋچاسكەلەرٸن ساتۋدان تٷسەتٸن تٷسٸمدەر - 44 888,2 مىڭ تەڭگە;
- رەسپۋبليكالىق مەنشٸكتٸ جەكەشەلەندٸرۋدەن تٷسەتٸن تٷسٸمدەر - 1035867,9 مىڭ تەڭگە;
- ۇلتتىق حولدينگتەردٸڭ, كومپانييالاردىڭ جەنە ولاردىڭ ەنشٸلەس كومپانييالارى اكتيۆتەرٸن بەسەكەلەستٸك ورتاعا تٷسٸرۋدەن تٷسەتٸن تٷسٸمدەر - 47 441,5 مىڭ تەڭگە;
- ەدب كرەديتتٸك پورتفەلدەرٸ, اكتيۆتەر ساپاسىن جاقسارتۋعا ماماندانعان ۇيىمدارى ساتىلىمىنان تٷسەتٸن تٷسٸمدەر -11 225 000 مىڭ تەڭگە;
- 2024 جىلعى 1 جارتىجىلدىقتاعى قوردى باسقارۋدان تٷسكەن ينۆەستيتسييالىق كٸرٸس– 2 538 948 377 مىڭ تەڭگە.
2024 جىلى 10 اي ٸشٸندە ۇلتتىق قوردان 4,6 ترلن تەڭگە جۇمسالدى:
- 2 ترلن تەڭگە كەپٸلدەندٸرٸلگەن ترانسفەرت رەتٸندە الىنسا,
- 2,6 ترلن تەڭگە نىسانالى ترانسفەرت رەتٸندە اۋدارىلدى.
- سونداي-اق قوردى باسقارۋعا جەنە اۋديتكە 11,9 ملرد تەڭگە باعىتتالدى.
قورىتا كەلگەندە, 2024 جىلدىڭ 1 قاراشاسىندا ۇلتتىق قور اكتيۆٸ 30,9 ترلن تەڭگەنٸ قۇرادى.
2023 جىلدىڭ 1 قاڭتارىندا ۇلتتىق قوردا 26,7 ترلن تەڭگە بولعان. ٶتكەن جىلدىڭ 10 ايىندا اتالعان قورعا 4,4 ترلن تەڭگە كەلٸپ تٷستٸ, 2023 جىلدىڭ بٸرٸنشٸ جارتىجىلدىعىندا ينۆەستيتسييالىق تابىس 838,6 ملرد تەڭگەنٸ قۇرادى, وسى كەزەڭدە ۇلتتىق قوردان 3,7 ترلن تەڭگە الىندى. وسىلايشا, ٶتكەن جىلى وسىنداي كەزەڭدە, ياعني 1 قاراشادا قوردىڭ اكتيۆتەرٸ 27,4 ترلن تەڭگەنٸ قامتىعان بولاتىن.
ايتا كەتسەك, وسى اپتادا "2024-2026 جىلدارعى رەسپۋبليكالىق بيۋدجەت تۋرالى زاڭعا ٶزگەرٸستەر مەن تولىقتىرۋلار ەنگٸزۋ" تۋرالى زاڭ جوباسىنىڭ مەتٸنٸ جارييالانىپ, كٶپشٸلٸك تالقىسىنا ۇسىنىلدى. ٶزگەرٸس تەك 2024 جىلدى قامتيدى. وندا دا باستى ٶزگەرٸس ۇلتتىق قوردان الىناتىن نىسانالى ترانسفەرت كٶلەمٸن تاعى 2,0 ترلن تەڭگەگە ۇلعايتۋدى قاراستىرادى, ياعني 1,6 ترلن تەڭگەدەن 3,6 ترلن تەڭگەگە دەيٸن. ساراپشى 2 ترلن تەڭگە بيۋدجەت تاپشىلىعىن جابۋ ٷشٸن قولدانىلماق ەكەنٸن, بٸراق بۇل ارادا بيۋدجەت كودەكسٸن بۇزىلىپ وتىرعانىن ايتىپ, سىني پٸكٸر بٸلدٸردٸ.
