QR Qarjy ministrliginiń 2024 jyldyń 10 aiynda Ulttyq qorǵa túsken jáne alynǵan qarajattar boiynsha esebi jariialandy, dep habarlaidy Dalanews.kz.
2024 jyly 1 qańtarda Ulttyq qorda 29,8 trln teńge bolǵan. Qańtar-qazan ailary aralyǵynda qor taǵy 5,8 trln teńge qarajatpen tolyqty.
Tarqatyp aitsaq:
- jergilikti biýdjetterge bólingen salyqtardy qospaǵanda, munai sektoryndaǵy uiymdardan tikelei tusken salyq - 3 234 640 661,7 myń teńge;
- jergilikti biýdjetterge eseptelgen túsimderdi qospaǵanda, munai sektoryndaǵy uiymdardyń júzege asyrǵan operatsiialarynan túsken basqa da salyqtyqtar - 17 093 809,7 myń teńge;
- aýyl sharýashylyǵy maqsatyndaǵy jer ýchaskelerin satýdan túsetin túsimder - 44 888,2 myń teńge;
- respýblikalyq menshikti jekeshelendirýden túsetin túsimder - 1035867,9 myń teńge;
- ulttyq holdingterdiń, kompaniialardyń jáne olardyń enshiles kompaniialary aktivterin básekelestik ortaǵa túsirýden túsetin túsimder - 47 441,5 myń teńge;
- EDB kredittik portfelderi, aktivter sapasyn jaqsartýǵa mamandanǵan uiymdary satylymynan túsetin túsimder -11 225 000 myń teńge;
- 2024 jylǵy 1 jartyjyldyqtaǵy qordy basqarýdan túsken investitsiialyq kiris– 2 538 948 377 myń teńge.
2024 jyly 10 ai ishinde Ulttyq qordan 4,6 trln teńge jumsaldy:
- 2 trln teńge kepildendirilgen transfert retinde alynsa,
- 2,6 trln teńge nysanaly transfert retinde aýdaryldy.
- Sondai-aq qordy basqarýǵa jáne aýditke 11,9 mlrd teńge baǵyttaldy.
Qoryta kelgende, 2024 jyldyń 1 qarashasynda Ulttyq qor aktivi 30,9 trln teńgeni qurady.
2023 jyldyń 1 qańtarynda Ulttyq qorda 26,7 trln teńge bolǵan. Ótken jyldyń 10 aiynda atalǵan qorǵa 4,4 trln teńge kelip tústi, 2023 jyldyń birinshi jartyjyldyǵynda investitsiialyq tabys 838,6 mlrd teńgeni qurady, osy kezeńde ulttyq qordan 3,7 trln teńge alyndy. Osylaisha, ótken jyly osyndai kezeńde, iaǵni 1 qarashada qordyń aktivteri 27,4 trln teńgeni qamtyǵan bolatyn.
Aita ketsek, osy aptada "2024-2026 jyldarǵy respýblikalyq biýdjet týraly Zańǵa ózgerister men tolyqtyrýlar engizý" týraly zań jobasynyń mátini jariialanyp, kópshilik talqysyna usynyldy. Ózgeris tek 2024 jyldy qamtidy. Onda da basty ózgeris Ulttyq qordan alynatyn nysanaly transfert kólemin taǵy 2,0 trln teńgege ulǵaitýdy qarastyrady, iaǵni 1,6 trln teńgeden 3,6 trln teńgege deiin. Sarapshy 2 trln teńge biýdjet tapshylyǵyn jabý úshin qoldanylmaq ekenin, biraq bul arada Biýdjet kodeksin buzylyp otyrǵanyn aityp, syni pikir bildirdi.
