الماتى وبلىسىنىڭ قاراساي اۋدانىنا قاراستى ۇمتىل اۋىلدىق وكرۋگٸندە 10 جاسار بالانى ەكٸ قاباعان يت تالاپ, اۋىر جاراقاتتادى. وقيعا 30 مامىردا بولعان. وقيعانىڭ باستى كۋەگەرٸ ەرٸ بالانى قۇتقارىپ قالعان اۋىل تۇرعىنى, زەينەتكەر سەرٸكبەك ساقايبەكوۆتىڭ ايتۋىنشا, سول كٷنٸ كٶلٸگٸمەن جولاۋشى ەيەلدٸ ٷيٸنە جەتكٸزٸپ بارا جاتقاندا, بٸر توپ بالانىڭ شۋلاپ, جان-جاققا قاشا جٶنەلگەنٸن كٶرگەن, دەپ جازادى Dalanews.kz.
«بالالاردىڭ ٷرەيلەنٸپ قاشقانىن كٶرٸپ, بٸر سۇمدىق جاعداي بولعانىن سەزدٸم. قولىمدا ەشبٸر قۇرال جوق ەدٸ, كٶلٸگٸمنٸڭ ەسٸك قالتاسىنان تەك بالىققا الىپ جٷرەتٸن بەكٸمدٸ الدىم دا, بٸردەن وقيعا ورنىنا جٷگٸردٸم. بارسام, ەكٸ ٷلكەن قاباعان يت بالاعا جابىسىپ, ونى سٷيرەپ, جۇلمالاپ جاتىر ەكەن. پيتبۋل تۇقىمداس يت بالانىڭ سانىن شايناپ جاتتى, ال ەكٸنشٸ وۆچاركا يىعىنان ۇستاپ, جەرگە سٷيرەپ بارادى. قانعا بويالعان بالا «اعا, قۇتقارىڭىزشى!» دەپ جانۇشىرا ايعايلادى. ونى كٶرگەندە ويلانباستان يتتەرگە قارسى شابۋىلداپ, ەكەۋٸن دە ۇرىپ ٶلتٸردٸم», – دەيدٸ سەرٸكبەك اقساقال Stan.kz-كە بەرگەن سۇحباتىندا.
قازٸر 10 جاسار بالا قاراساي اۋداندىق ورتالىق اۋرۋحاناسىندا اۋىر جاراقاتپەن ەم الىپ جاتىر. بالانىڭ اناسى ەكاتەرينا بۋرميستروۆانىڭ ايتۋىنشا, ۇلىنىڭ جاعدايى ٶتە قيىن.
«ۇلىمنىڭ قۇلاعىنىڭ جارتىسى جوق, بەتٸ مەن باسى قاتتى زاقىمدانعان, سان ەتٸن يتتەر جۇلىپ العان. جاراقاتتارى اۋىر. قازٸر مەديتسينالىق قۇجاتتاردى جيناپ, سوتقا جٷگٸنۋگە دايىندالىپ جاتىرمىز. يتتەردٸڭ يەلەرٸ بولسا بالانىڭ ٶزٸ كٸنەلٸ, اۋماققا جاقىندادى دەپ جالعان ايتىپ وتىر», – دەيدٸ ول.
سەرٸكبەك ساقايبەكوۆتٸڭ ەرلٸگٸ تۇرعىندار اراسىندا قىزۋ تالقىلانىپ, كٶپشٸلٸكتٸڭ قولداۋىنا يە بولدى. الايدا ٶلگەن يتتەردٸڭ يەلەرٸ زەينەتكەردەن ٶتەماقى تالاپ ەتٸپ وتىر ەكەن.
«قازٸر يتتەردٸڭ يەلەرٸ كەلٸپ, ماعان يتتەرٸ قىمبات بولعانىن ايتىپ, اقشاسىن تٶلەۋٸمدٸ سۇراپ وتىر. سوندا بالانى قۇتقارماي, قانسىراپ جاتقانىن ٷنسٸز قاراپ تۇرۋىم كەرەك پە ەدٸ?» – دەپ كٷيٸندٸ ول.
ۇمتىل اۋىلدىق وكرۋگٸنٸڭ ەكٸمٸ يسلام باۋىرجانۇلى وقيعاعا قاتىستى تيٸستٸ ورگاندار شارا قابىلداعانىن, يتتەردٸڭ يەسٸنە ايىپپۇل سالىنعانىن حابارلادى. سونداي-اق, ەكٸمدٸك يتتەر ۇستالعان ورتالىقتىڭ زاڭدىلىعىن تەكسەرەتٸن بولادى.
الماتى وبلىستىق پوليتسييا دەپارتامەنتٸ اتالعان فاكت بويىنشا قىلمىستىق ٸس قوزعالعانىن راستادى. تەرگەۋ بارىسىندا يتتەر ەسٸرتكٸ مەن ٸشٸمدٸككە تەۋەلدٸلەردٸ وڭالتۋ ورتالىعىنا تيەسٸلٸ ەكەنٸ انىقتالعان.
«كٸنەلٸلەر مٸندەتتٸ تٷردە زاڭ اياسىندا جاۋاپقا تارتىلادى», – دەدٸ پوليتسييا ٶكٸلدەرٸ.
قازٸر جەرگٸلٸكتٸ تۇرعىندار مەن كەسٸپكەرلەر بالانىڭ ەمٸنە قارجى جيناۋدى باستاپ كەتتٸ. دەنساۋلىق ساقتاۋ باسقارماسىنىڭ مەلٸمەتٸنشە, زارداپ شەككەن بالانىڭ جاعدايى تۇراقتى بولعانىمەن, جاراقاتى اۋىر دەڭگەيدە.
