قاراعاندى تۇرعىنى 14 ملن تەڭگە ۇرلاپ، اقشانى قۇمار ويىنعا سالىپ جىبەرگەن، دەپ حابارلايدى Dalanews.kz.

قاراعاندىدا پوليسياعا ساۋدا ۇيىمدارىنىڭ ءبىرىنىڭ 40 جاستاعى باسشىسى ءوتىنىش ءبىلدىردى. ول 14 ملن تەڭگە ۇرلاعان ادامدى قىلمىستىق جاۋاپكەرشىلىككە تارتۋدى ءوتىندى. بارلىق جاعدايدى انىقتاۋ كەزىندە پوليسەيلەر جابىرلەنۋشىنىڭ كۇدىكتىمەن تانىس ەمەس ەكەنىن، ونىڭ تەك ەسىمىن عانا بىلەتىنىن انىقتادى. كۇدىكتى ءوتىنىش بەرۋشىدەن بىر-ەكى كۇننەن كەيىن بارلىق سومانى قايتاراتىنىنا سەندىرىپ، وعان 1،7 ملن تەڭگە قارىز بەرۋىن سۇراعان.

جابىرلەنۋشى كەلىسىپ، قارىز الۋشى كەپىل رەتىندە جەڭىل كولىگىن تاستاپ كەتكەن. كەلەسى كۇنى ساۋدا ۇيىمىنىڭ باسشىسى وسى كولىك قۇرالىندا بانكتىك شوتقا اۋدارۋ ءۇشىن 14 ملن تەڭگە سوماسىندا قولما-قول اقشا الىپ، جۇمىسقا كەلدى. ءبىراز ۋاقىتتان كەيىن وعان قارىز الۋشى كەلىپ، سالوندا قالعان نوۋتبۋكتى الۋ كەرەك ەكەنىن ءتۇسىندىرىپ، كولىكتى اشۋدى ءوتىندى. جابىرلەنۋشى ونىڭ ءوتىنىشىن ورىنداپ، ءوز جۇمىسىمەن كەتكەن. ءبىراز ۋاقىتتان كەيىن ول كوشەگە شىعىپ، 14 ملن تەڭگە بولعان كولىكتىڭ جوعالىپ كەتكەنىن انىقتادى.

ەر ادام كۇدىكتىمەن بايلانىسۋعا تىرىستى، ءبىراق ول تەلەفونىن ءوشىرىپ تاستاعان. پوليسيا الماتى وبلىسىنىڭ 35 جاستاعى تۇرعىنىن كۇدىكتى رەتىندە ۇستادى. ول بۋكمەكەرلىك كەڭسەلەردىڭ بىرىندە ۇنەمى اقشانى ۇتىسقا تىگەتىنىن ءتۇسىندىرىپ، بۇل رەتتە دە ساتسىزدىككە ۇشىراعانىن مويىندادى. جيناقتالعان قارىزدى وتەۋ ءۇشىن جابىرلەنۋشىدەن 1،7 ملن تەڭگە قارىز الىپ، ايتارلىقتاي ۇتىسقا سەنگەن. كەيىننەن وقيعا ورنىنان جاسىرىنىپ، جابىرلەنۋشىگە تيەسىلى 14 ملن تەڭگەنى تاۋىپ العان. ول بارلىق اقشانى تاعى دا ۇتىسقا تىككەن.

قازىرگى ۋاقىتتا قىلمىستىق ءىس قوزعالدى، تەرگەۋ جۇرگىزىلۋدە. كۇدىكتىگە قاتىستى قاماۋعا الۋ تۇرىندەگى بۇلتارتپاۋ شاراسى تاعايىندالدى.