Qaraǵandy turǵyny 14 mln teńge urlap, aqshany qumar oiynǵa salyp jibergen, dep habarlaidy Dalanews.kz.
Qaraǵandyda politsiiaǵa saýda uiymdarynyń biriniń 40 jastaǵy basshysy ótinish bildirdi. Ol 14 mln teńge urlaǵan adamdy qylmystyq jaýapkershilikke tartýdy ótindi. Barlyq jaǵdaidy anyqtaý kezinde politseiler jábirlenýshiniń kúdiktimen tanys emes ekenin, onyń tek esimin ǵana biletinin anyqtady. Kúdikti ótinish berýshiden bir-eki kúnnen keiin barlyq somany qaitaratynyna sendirip, oǵan 1,7 mln teńge qaryz berýin suraǵan.
Jábirlenýshi kelisip, qaryz alýshy kepil retinde jeńil kóligin tastap ketken. Kelesi kúni saýda uiymynyń basshysy osy kólik quralynda banktik shotqa aýdarý úshin 14 mln teńge somasynda qolma-qol aqsha alyp, jumysqa keldi. Biraz ýaqyttan keiin oǵan qaryz alýshy kelip, salonda qalǵan noýtbýkty alý kerek ekenin túsindirip, kólikti ashýdy ótindi. Jábirlenýshi onyń ótinishin oryndap, óz jumysymen ketken. Biraz ýaqyttan keiin ol kóshege shyǵyp, 14 mln teńge bolǵan kóliktiń joǵalyp ketkenin anyqtady.
Er adam kúdiktimen bailanysýǵa tyrysty, biraq ol telefonyn óshirip tastaǵan. Politsiia Almaty oblysynyń 35 jastaǵy turǵynyn kúdikti retinde ustady. Ol býkmekerlik keńselerdiń birinde únemi aqshany utysqa tigetinin túsindirip, bul rette de sátsizdikke ushyraǵanyn moiyndady. Jinaqtalǵan qaryzdy óteý úshin jábirlenýshiden 1,7 mln teńge qaryz alyp, aitarlyqtai utysqa sengen. Keiinnen oqiǵa ornynan jasyrynyp, jábirlenýshige tiesili 14 mln teńgeni taýyp alǵan. Ol barlyq aqshany taǵy da utysqa tikken.
Qazirgi ýaqytta qylmystyq is qozǵaldy, tergeý júrgizilýde. Kúdiktige qatysty qamaýǵa alý túrindegi bultartpaý sharasy taǵaiyndaldy.
