قاراعاندى وبلىسىندا بلوك-بەكەتتە تۇرعان پوليتسەيلەر ۇرلانعان جىلقىلار تيەلگەن جٷك كٶلٸگٸنٸڭ جولىن كەستٸ, – دەپ حابارلايدى Dalanews.kz Polisia.kz. سايتىنا سٸلتەمە جاساپ.
9 قاراشا كٷنٸ قاراعاندى وبلىسى پوليتسييا دەپارتامەنتٸنە استانا قالالىق پوليتسييا دەپارتامەنتٸنەن ۇرلانعان جىلقىلار تيەگەن كاماز جٷك كٶلٸگٸ قاراعاندىعا قاراي باعىت الىپ بارا جاتقانى جٶنٸندە جەدەل اقپارات كەلٸپ تٷستٸ. تەمٸرتاۋ قالاسىنداعى بلوك-بەكەتتەردٸڭ بٸرٸندە تەكسەرٸس جٷرگٸزٸپ جاتقان پاترۋلدٸك پوليتسەيلەر اتالعان كٶلٸكتٸ توقتاتتى. كٶلٸكتٸ باسقارعان ازامات تٷركٸستان وبلىسىنىڭ 48 جاستاعى تۇرعىنى بولعان.
– تەكسەرٸس بارىسىندا جٷرگٸزۋشٸ 45 باس جىلقىنى ستەپنوگورسك قالاسىنىڭ تۇرعىنىنان 13,5 ميلليون تەڭگەگە ساتىپ العانىن ايتتى. جىلقىلاردىڭ ناقتى يەلەرٸن انىقتاۋ ماقساتىندا كريمينالدىق پوليتسييا قىزمەتكەرلەرٸ جىلقىلاردى بەينەجازباعا تٷسٸرٸپ, ەر ٶڭٸردەگٸ شارۋا قوجالىقتارىنىڭ چاتتارىنا جٸبەرگەن, – دەپ حابارلادى قاراعاندى وبلىسى پد كريمينالدىق پوليتسييا باسقارماسى باستىعىنىڭ ورىنباسارى مەيٸرجان سلامبەكوۆ.
بٸراز ۋاقىتتان كەيٸن اقمولا وبلىسىنىڭ 54 جاستاعى تۇرعىنى بەينەجازبادان ٶزٸنە تيەسٸلٸ ۇرلانعان 27 جىلقىسىن تانىعان. اتالعان دەرەك بويىنشا قىلمىستىق ٸس قوزعالىپ, سوتقا دەيٸنگٸ تەرگەۋ امالدارى جٷرگٸزٸلٸپ جاتىر.
