مەملەكەت باسشىسى قازاقستانداعى تەرتٸپسٸزدٸكتەردٸ ۇقشۇ-نىڭ قاتىستىرماي رەتتەۋگە بولمادى ما دەگەن سۇراققا تٷسٸنٸكتەمە بەرٸپ, سونداي-اق بٸتٸمگەرشٸلٸك كٷشتەردٸ تارتۋ تۋرالى ٶز شەشٸمٸنە ٶكٸنەتٸنٸن-ٶكٸنبەيتٸنٸن ايتتى.
"ٶكٸنبەيمٸن. بۇل ەشقانداي دا ٶكٸندٸرەتٸن شەشٸم ەمەس. كەرٸسٸنشە دۇرىس شەشٸم بولدى دەپ ويلايمىن. ٶيتكەنٸ, قارۋلى قاراقشىلار الماتىنى قيراتىپ, ٶزگە قالالارعا قاۋٸپ تٶندٸردٸ. وسى قارۋلى كونتينگەنت بولماسا, لاڭكەستەر باسقا دا قالالاردى باسىپ الار ەدٸ. قارۋلى شايقاستار تالدىقورعاندا, تارازدا, شىمكەنتتە, قىزىلوردادا ورىن الدى. ەلوردادا لاڭكەستەردٸڭ دايىندىق جۇمىستارى بايقالدى, ولار, تٸپتٸ, اقورداعا شابۋىل جاساۋعا دايىن بولدى. كەيبٸر بەدەلدٸ ساراپشىلار ايتۋىنشا, لاڭكەستەر قازاقستاننىڭ باستى ەكٸ قالاسىن باسىپ الۋدى جوسپارلاعان. بۇل سيريياداعى ستسەنارييگە ۇقساس جوسپار. سول ەلدە لاڭكەستەر داماسك پەن راككانى باسىپ الۋعا ەرەكەتتەنگەن ەدٸ", – دەدٸ قاسىم-جومارت توقاەۆ
پرەزيدەنت ۇجىمدىق قاۋٸپسٸزدٸك شارت ۇيىمىنىڭ ەسكەرلەرٸ بٸزدٸڭ ەلدە بٸر دە بٸر وق اتپاعانىن اتاپ ٶتتٸ.
"ونى اشىق ايتۋ كەرەك. ولار تەك نەگٸزگٸ ستراتەگييالىق نىسانداردى كٷزەتٸپ تۇردى. وسى كەزدە بٸزدٸڭ كٷشتٸك قۇرىلىمدار ٸسكە كٸرٸسٸپ, قارۋلى لاڭكەستەرگە توسقاۋىل قويدى. ارامىزدا تەك تىعىز بايلانىس پەن ٷيلەسٸم بولدى. ال ەندٸ «پۋتينگە قارىز بوپ قالدىق» دەگەنگە كەلسەك, بۇل – بوس ەڭگٸمە. ونى دوعارۋ كەرەك", – دەدٸ مەملەكەت باسشىسى
بٸرٸنشٸدەن, ونىڭ ايتۋىنشا, ۇجىمدىق قاۋٸپسٸزدٸك تۋرالى شارت ۇيىمىنىڭ كونتينگەنتٸ ۆلاديمير پۋتيننٸڭ نەمەسە رەسەيدٸڭ جەكە ەسكەرٸ ەمەس. بۇل ۇيىمنىڭ ەسكەري قۇرامى وعان مٷشە ەلدەردٸڭ بەرٸنە ورتاق. وندا رەسەيدەن بٶلەك, بەلارۋس, ارمەنييا, تەجٸكستان جەنە قىرعىزستاننىڭ ەسكەري بٶلٸمدەرٸ بار.
"قازاقستان دا – وسى ۇيىمنىڭ تولىققاندى مٷشەسٸ ەرٸ نەگٸزٸن قالاۋشىسى. سوندىقتان, بەرٸ – زاڭدى, قيسىندى», - دەدٸ مەملەكەت باسشىسى. «رەسەيگە كەلسەك, بۇل الپاۋىت ەل ٶزٸنٸڭ گەوساياسي مٷددەسٸن دە قورعادى. قازاقستاننىڭ تۇراقتىلىعى رەسەيگە ٶتە قاجەت. مۇنى دۇرىس تٷسٸنۋٸمٸز كەرەك. قازاقستان مەن رەسەي – ستراتەگييالىق سەرٸكتەستەر. ارامىزدا شىنايى دوستىق پەن ٶزارا سەنٸم بولۋى كەرەك. باسقا ساياسات ۇستانساق, ەكٸ ەلدٸڭ ستراتەگييالىق مٷددەسٸنە نۇقسان كەلتٸرەمٸز. جالپى, بٸز ەشكٸمگە ەشتەڭە دە قارىز ەمەسپٸز. قازاقستان – ەگەمەن مەملەكەت. سوندىقتان ساياساتىمىز دا دەربەس", – دەدٸ قازاقستان پرەزيدەنتٸ
«رەسەي – عاسىرلار بويى قاتار ٶمٸر سٷرٸپ كەلە جاتقان قۇدايى كٶرشٸمٸزدٸڭ بٸرٸ. قازاقتىڭ تاعدىرىنا وسىلاي جازىلعان. مۇنى بٸز ٶزگەرتە المايمىز. ساياسي, ساۋدا-ەكونوميكالىق جەنە مەدەني بايلانىستاردى نىعايتا بەرۋٸمٸز كەرەك. بۇل, ەڭ الدىمەن, قازاقستاننىڭ ستراتەگييالىق مٷددەسٸنە ساي كەلەدٸ», - دەپ اتاپ ٶتتٸ ق. توقاەۆ.
بۇدان بٶلەك مەملەكەت باسشىسى كەيبٸر رەسەيلٸك ساياساتكەرلەردٸڭ "قازاقستان ٶڭٸرلەرٸن رەسەيگە قوسىپ الۋ" تۋرالى ايتىپ جٷرگەن مەسەلەگە قاتىستى جاۋاپ بەردٸ.
"راسىندا دا, كەيبٸر رەسەيلٸك ساياساتكەرلەر تاراپىنان «قازاقستاننىڭ سولتٷستٸك وبلىستارىنداعى جەرلەر بٸزدٸكٸ» دەگەن سٶزدەر ايتىلعانىن جەتكٸزدٸ.
«بٸردەن كەسٸپ ايتايىن. بۇل – اقىلعا سىيمايتىن, ورىنسىز پٸكٸر. رەسمي بيلٸك, ياعني كرەمل, ەرينە, بۇل ۋەجدٸ قولدامايدى. ەكٸ ەلدٸڭ باسشىلىعى اراسىندا جەر مەسەلەسٸنە قاتىستى ەشقاشان داۋ تۋىنداعان ەمەس.
ماعان ۆلاديمير پۋتيننٸڭ ٶزٸ «جەرگە قاتىستى ەشقاشان مەسەلە كٶتەرمەيمٸز» دەپ ايتقان. سوندىقتان الاڭدايتىن ەشنەرسە جوق. شەكارامىز تولىق ايقىندالعان, بەكٸتٸلگەن. بۇل اقيقاتتى بٷكٸل ەلەم مويىندايدى. ەكٸ ەلدٸڭ اراسىنداعى بايلانىستارعا سىزات تٷسپەگەن. رەسەي پرەزيدەنتٸ وسىنداي قاعيداتتارعا ادالدىعىن, بەرٸكتٸگٸن كٶرسەتتٸ", – دەيدٸ قاسىم-جومارت توقاەۆ
