Memleket basshysy Qazaqstandaǵy tártipsizdikterdi UQShU-nyń qatystyrmai retteýge bolmady ma degen suraqqa túsinikteme berip, sondai-aq bitimgershilik kúshterdi tartý týraly óz sheshimine ókinetinin-ókinbeitinin aitty.
"Ókinbeimin. Bul eshqandai da ókindiretin sheshim emes. Kerisinshe durys sheshim boldy dep oilaimyn. Óitkeni, qarýly qaraqshylar Almatyny qiratyp, ózge qalalarǵa qaýip tóndirdi. Osy qarýly kontingent bolmasa, lańkester basqa da qalalardy basyp alar edi. Qarýly shaiqastar Taldyqorǵanda, Tarazda, Shymkentte, Qyzylordada oryn aldy. Elordada lańkesterdiń daiyndyq jumystary baiqaldy, olar, tipti, Aqordaǵa shabýyl jasaýǵa daiyn boldy. Keibir bedeldi sarapshylar aitýynsha, lańkester Qazaqstannyń basty eki qalasyn basyp alýdy josparlaǵan. Bul Siriiadaǵy stsenariige uqsas jospar. Sol elde lańkester Damask pen Rakkany basyp alýǵa árekettengen edi", – dedi Qasym-Jomart Toqaev
Prezident Ujymdyq qaýipsizdik shart uiymynyń áskerleri bizdiń elde bir de bir oq atpaǵanyn atap ótti.
"Ony ashyq aitý kerek. Olar tek negizgi strategiialyq nysandardy kúzetip turdy. Osy kezde bizdiń kúshtik qurylymdar iske kirisip, qarýly lańkesterge tosqaýyl qoidy. Aramyzda tek tyǵyz bailanys pen úilesim boldy. Al endi «Pýtinge qaryz bop qaldyq» degenge kelsek, bul – bos áńgime. Ony doǵarý kerek", – dedi Memleket basshysy
Birinshiden, onyń aitýynsha, Ujymdyq qaýipsizdik týraly shart uiymynyń kontingenti Vladimir Pýtinniń nemese Reseidiń jeke áskeri emes. Bul uiymnyń áskeri quramy oǵan múshe elderdiń bárine ortaq. Onda Reseiden bólek, Belarýs, Armeniia, Tájikstan jáne Qyrǵyzstannyń áskeri bólimderi bar.
"Qazaqstan da – osy uiymnyń tolyqqandy múshesi ári negizin qalaýshysy. Sondyqtan, bári – zańdy, qisyndy», - dedi Memleket basshysy. «Reseige kelsek, bul alpaýyt el óziniń geosaiasi múddesin de qorǵady. Qazaqstannyń turaqtylyǵy Reseige óte qajet. Muny durys túsinýimiz kerek. Qazaqstan men Resei – strategiialyq seriktester. Aramyzda shynaiy dostyq pen ózara senim bolýy kerek. Basqa saiasat ustansaq, eki eldiń strategiialyq múddesine nuqsan keltiremiz. Jalpy, biz eshkimge eshteńe de qaryz emespiz. Qazaqstan – egemen memleket. Sondyqtan saiasatymyz da derbes", – dedi Qazaqstan Prezidenti
«Resei – ǵasyrlar boiy qatar ómir súrip kele jatqan qudaiy kórshimizdiń biri. Qazaqtyń taǵdyryna osylai jazylǵan. Muny biz ózgerte almaimyz. Saiasi, saýda-ekonomikalyq jáne mádeni bailanystardy nyǵaita berýimiz kerek. Bul, eń aldymen, Qazaqstannyń strategiialyq múddesine sai keledi», - dep atap ótti Q. Toqaev.
Budan bólek Memleket basshysy keibir reseilik saiasatkerlerdiń "Qazaqstan óńirlerin Reseige qosyp alý" týraly aityp júrgen máselege qatysty jaýap berdi.
"Rasynda da, keibir reseilik saiasatkerler tarapynan «Qazaqstannyń soltústik oblystaryndaǵy jerler bizdiki» degen sózder aitylǵanyn jetkizdi.
«Birden kesip aitaiyn. Bul – aqylǵa syimaityn, orynsyz pikir. Resmi bilik, iaǵni Kreml, árine, bul ýájdi qoldamaidy. Eki eldiń basshylyǵy arasynda jer máselesine qatysty eshqashan daý týyndaǵan emes.
Maǵan Vladimir Pýtinniń ózi «jerge qatysty eshqashan másele kótermeimiz» dep aitqan. Sondyqtan alańdaityn eshnárse joq. Shekaramyz tolyq aiqyndalǵan, bekitilgen. Bul aqiqatty búkil álem moiyndaidy. Eki eldiń arasyndaǵy bailanystarǵa syzat túspegen. Resei Prezidenti osyndai qaǵidattarǵa adaldyǵyn, beriktigin kórsetti", – deidi Qasym-Jomart Toqaev
