«قالا اكىمى پرەزيدەنتكە ەكونوميكانىڭ تۇراقتى ءوسىمىن قامتاماسىز ەتۋ جونىندەگى تاپسىرمالارىنىڭ ورىندالۋى جونىندە باياندادى. ەسەپ بەرىلىپ وتىرعان كەزەڭدە قىسقامەرزىمدى ەكونوميكالىق ينديكاتور 105 پايىزعا جەتكەن. وڭدەۋشى ونەركاسىپ – ءوسىمنىڭ نەگىزگى درايۆەرىنە اينالدى.
نەگىزگى كاپيتالعا سالىنعان ينۆەستيسيا كولەمى 22،1 پايىزعا ارتقان. الماتى جەكە ينۆەستيسيالار كولەمى جونىنەن (22،4 پايىز) وڭىرلەر اراسىندا ءبىرىنشى ورىندا. قالادا ىسكەرلىك بەلسەندىلىك قالپىنا كەلدى. بيىلعى توعىز ايدا جۇمىس ىستەيتىن شاعىن جانە ورتا بيزنەس سۋبەكتىلەرىنىڭ سانى 37،2 پايىزعا ارتتى»، - دەلىنگەن حابارلامادا.
قاسىم-جومارت توقايەۆقا الماتى قالاسىن دامىتۋدىڭ 2025 جىلعا دەيىنگى باعدارلاماسىنىڭ جۇزەگە اسىرىلۋى جانە 2030 جىلعا دەيىنگى ورتامەرزىمدى پەرسپەكتيۆالارى، سونىمەن قاتار دامۋدىڭ بەكىتىلگەن نەگىزگى باسىمدىقتارىن ەسكەرە وتىرىپ، قالانىڭ 2040 جىلعا دەيىنگى جاڭا باس جوسپارىن ازىرلەۋ بارىسى تۋرالى باياندالدى.
مەملەكەت باسشىسىنا ينجەنەرلىك ينفراقۇرىلىمدى دامىتۋ جۇمىستارى، مەكتەپتەردەگى ورىن تاپشىلىعىن تومەندەتۋ ءۇشىن قابىلدانىپ جاتقان شارالار، ءبىرىڭعاي بەينەمونيتورينگ جۇيەسىن قۇرۋ جونىندەگى تاپسىرماسىنىڭ ورىندالۋ بارىسى تۋرالى مالىمەت بەرىلدى.
كەزدەسۋ سوڭىندا پرەزيدەنت قالانىڭ ەكونوميكاسىن ودان ءارى ءارتاراپتاندىرۋ جانە ينفراقۇرىلىمىن جاڭعىرتۋ جونىندە تاپسىرما بەردى.
