شاراعا قازاقستان مەن تٷركييا جەنە ٶزگە دە ەلدەردەن مەيماندار قاتىستى. اتاپ ايتساق, تٷركييا رەسپۋبليكاسى دٸن ٸستەرٸ باسقارماسىنىڭ باسشىسى, باس مٷفتي الي ەرباش حازرەت پەن ەكٸ ەلدٸڭ زييالى قاۋىم ٶكٸلدەرٸ بولدى. تٷركٸستان وبلىسىنىڭ ەكٸمٸ ٶمٸرزاق شٶكەەۆ تاريحي تۇلعا تۋرالى بايانداپ, باۋىرلاس قازاقستان مەن تٷركييا بايلانىسى تەرەڭدەپ كەلە جاتقانىنا توقتالدى.
– بٸز بٷگٸن قازاق-تٷرٸك اراسىنداعى رۋحاني بايلانىستى نىعايتۋدا ماڭىزى جوعارى بولاتىن جيىندا باس قوسىپ وتىرمىز. ٶتكەن عاسىردىڭ 50-جىلدارى وتانداستىرىمىزعا قامقورلىق تانىتىپ, تٷركيياعا كٶشۋٸنە, ورنىعۋىنا ٷلەس قوسقان ادنان مەندەرەستٸڭ ەسٸمٸن جاڭعىرتۋ قوس مەملەكەتكە ورتاق مٷددە دەپ بٸلەمٸن. مەملەكەت باسشىسى قاسىم-جومارت توقاەۆ تٷركٸستان قالاسىنداعى كٶشەلەردٸڭ بٸرٸنە ادنان مەندەرەستٸڭ ەسٸمٸن بەرۋ تۋرالى تاپسىرما بەرگەن بولاتىن. تاپسىرما اياسىندا زاڭعا سەيكەس تيٸستٸ جۇمىستار اتقارىلىپ, بٸز بٷگٸن سول كٶشەنٸڭ اشىلۋ سالتاناتىنا كۋە بولىپ وتىرمىز.
ٶزدەرٸڭٸزگە بەلگٸلٸ, تٷركٸستان – بٸر حالىقتىڭ عانا ەمەس, كٷللٸ تٷركٸ ەلدەرٸنٸڭ رۋحاني ۇستىنى رەتٸندە ەسپەتتەلەدٸ. سوندىقتان, قوس ەلگە ورتاق تۇلعانىڭ اتىنداعى بۇل كٶشەنٸڭ تٷركٸستان قالاسىنان اشىلۋى – زاڭدىلىق. سونداي-اق بۇل باستاما قازاق-تٷرٸك اراسىنداعى دوستىقتىڭ ودان سايىن نىعايۋىنا جول اشادى دەپ سەنەمٸن, – دەدٸ ٶمٸرزاق ەستايۇلى.
كٶشەنٸڭ بويىندا جاڭادان بوي كٶتەرگەن ەكٸمشٸلٸك-ٸسكەرلٸك ورتالىق, ەلەۋمەتتٸك, كەسٸپكەرلٸك نىساندار, تۇرعىن ٷيلەر جەنە جاڭا مەكتەپ ورنالاسقان. سونىمەن بٸرگە ساياباق پەن مەدەني نىساندار دا بار.
ساياسي قايراتكەر, تٷركييا رەسپۋبليكاسىنىڭ پرەمەر-مينيسترٸ قىزمەتٸن اتقارعان ادنان مەندەرەستٸڭ قازاق حالقىنا دا سٸڭٸرگەن ەڭبەگٸ مول. ول ٶتكەن عاسىردىڭ 50-شٸ جىلدارى قازاقتاردىڭ تٷركيياعا قونىستانۋىنا سەبەپكەر بولىپ, 4 جىلعا جۋىق سوزىلعان قونىس اۋدارۋ پروتسەسٸنە قولداۋ كٶرسەتكەن. تاريحي تۇلعانىڭ 1952 جىلعى قاۋلىسىنان كەيٸن قازاقتار پەكٸستاننان تٷركيياعا قونىس اۋدارا باستادى. پەكٸستانداعى قازاقتاردىڭ العاشقى لەگٸ 1952 جىلدىڭ قىركٷيەك ايىندا كەلسە, سوڭعى لەگٸ 1956 جىلى تٷرٸك جەرٸنە جەتكەن.
