پرەزيدەنت قاڭتار وقيعاسىنا قاتىستى ماڭىزدى دەرەكتەرگە توقتالىپ, الماتىعا شابۋىل جاساعان سودىرلاردىڭ جۇمىسشى اتىن جامىلىپ كەلگەنٸن ايتتى. ول ٶز سٶزٸندە: «بۇل ادامدار ماتەريالدىق قۇندىلىقتارعا قىزىقپاعان. ولار ەكٸمشٸلٸك عيماراتتارعا جاسالعان شابۋىلداردى باسقاردى. ولار قىلمىستىق ٸستەرگە, قۇقىق قورعاۋ ورگاندارىنىڭ قىزمەتكەرلەرٸنە قاتىستى قۇجاتتارعا قىزىعۋشىلىق تانىتتى. بۇل – مۇقييات جوسپارلانعان ەرەكەت. سىرتتان كەلگەن سودىرلاردى تارتا وتىرىپ, باسقىنشىلىق ەرەكەت جاسالدى. سودىرلاردىڭ ەۋەجايدى باسىپ الۋ ەرەكەتٸن ۇيىمداستىرعانىن بايقاعان بولارسىزدار. قازٸر تەرگەۋ نەتيجەسٸ ورتالىق ازييانىڭ بٸر قالاسىنان كەلگەن ازاماتتاردىڭ ەۋەجەي ارقىلى ٶتۋٸن قامتاماسىز ەتۋ ٷشٸن باسىپ الىنعانىن كٶرسەتٸپ وتىر. ولار – وقىتىلعان جاۋىنگەرلەر. جۇمىسشى اتىن جامىلىپ, شەكارا ارقىلى قالاعا كٸرٸپ, وپەراتسييانى باسقارعان», - دەدٸ.
سونداي-اق, مەملەكەت باسشىسى الماتىداعى بٷلٸك كەزٸندە وق اتۋ تۋرالى بۇيرىقتى مەملەكەتتٸڭ قاۋٸپسٸزدٸگٸ ٷشٸن بەرگەنٸن جەنە ەلگە تارتىلعان ۇجىمدىق قاۋٸپسٸزدٸك تۋرالى شارت ۇيىمىنىڭ ەسكەرٸن شاقىرعانى ٷشٸن ەشكٸمنٸڭ الدىندا قارىز بولىپ قالماعاندىعىن تٷسٸندٸرٸپ ايتتى. ٶيتكەنٸ, بٷگٸندە وسى مەسەلەگە قاتىستى ەل اراسىندا شىندىققا جاناسپايتىن تٷرلٸ ەڭگٸمەلەر جٷر. پرەزيدەنت بۇل جٶنٸندە «بٸز قارىز بولىپ قالدىق دەگەن سيياقتى قاۋەسەتتەرگە كەلسەك, ونداي ەڭگٸمە ٶتە كٶپ ايتىلدى. مەن جاۋاپكەرشٸلٸكپەن ايتامىن, ۆلاديمير ۆلاديميروۆيچ پۋتينمەن «كەيٸن ەسەپ ايىرىسارمىز» دەگەن ماعىنداعى ەشقانداي ەڭگٸمە بولعان جوق. كرەمل تاراپىنان ەشقانداي الدىن الا شارت تا بولعان جوق. تٷپتەپ كەلگەندە, رەسەي - قازاقستان ٷشٸن وداقتاس مەملەكەت. 2013 جىلى ەكاتەرينبۋرگ قالاسىندا تيٸستٸ كەلٸسٸمگە قول قويىلعان», - دەپ, تٷيٸندەدٸ.
ايتۋىنشا, اتالمىش قۇجاتتا رەسەي مەن قازاقستاننىڭ وداقتاستىق قاتىناسى تۋرالى ايتىلادى. «ەلدەرٸمٸزدٸڭ اراسىنداعى قاتىناس الماتىداعى وقيعاعا دەيٸن دە ەردايىم تىعىز, كونسترۋكتيۆتٸ, شىنايى ەرٸپتەستٸك سيپاتتا بولعان ەدٸ. وسى قاتىناس جالعاسا بەرەدٸ. مەن اقپاننىڭ ورتاسىنا قاراي رەسەي پرەزيدەنتٸنٸڭ شاقىرۋىمەن مەسكەۋگە ساپارمەن بارامىن جەنە بٸز ەلدەرٸمٸزدٸڭ اراسىنداعى ۇزاق مەرزٸمدٸ ەرٸپتەستٸك تۋرالى ٶتە ماڭىزدى قۇجاتتارعا قول قويامىز», - دەدٸ.
سونىمەن قاتار, مەملەكەت باسشىسى قاسىم-جومارت توقاەۆ قازاقستاننىڭ پارلامەنتتٸك جٷيەسٸن رەفورمالاۋ بويىنشا ويلانىپ جٷرگەنٸن ايتتى. بۇل جايىندا 28 قاڭتاردا ٶتكەن «Nur Otan» پارتيياسىنىڭ سەزٸندە دە ايتقانىن جەتكٸزدٸ. وسى ورايدا, مەملەكەت باسشىسى پارلامەنت مەجٸلٸسٸندە ۇستامدى ەرٸ مىقتى بٸرنەشە پارتييانىڭ بولۋى كەرەكتٸگٸن جەنە بۇل باعىتتا ساياسي مەدەنيەتتٸ ٶسٸرۋ اسا ماڭىزدى ەكەندٸگٸن اتاپ ٶتتٸ.
ودان بٶلەك, مەملەكەت باسشىسى قاسىم-جومارت توقاەۆ ەلٸمٸزدەگٸ سوڭعى كادرلىق تاعايىنداۋلارعا قاتىستى تٷسٸنٸك بەردٸ. پرەزيدەنت قىزمەت ەتٸپ جٷرگەن كادرلاردى تولىقتاي جۇمىسىنان شەتتەتۋ تەجٸريبەسٸنە قارسى ەكەنٸن ايتتى. كادرلاردى بٸلٸكتٸلٸگٸنە, جۇمىستى اتقارۋ ساپاسىنا قاراي باعالاۋ ماڭىزدى دەپ اتاپ ٶتتٸ. بۇل رەتتە, مەملەكەت باسشىسى ٷكٸمەتتٸ 100 پايىز اۋىستىرىپ, ٶزٸڭدٸ رەۆوليۋتسيونەر رەتٸندە جارييا ەتٸپ, كٶپشٸلٸكتٸڭ الدىندا وسىنداي ەرەكەتتەر جاساۋدى قولدامايتىنىن جەتكٸزدٸ. دەگەنمەن, پرەزيدەنت جۇمىسىندا جاۋاپكەرشٸلٸگٸ جوقتارى قىزمەتتە جٷرە بەرمەيتٸنٸن جەنە جۇمىس بارىسىندا تالانتتى جەنە بٸلٸمدٸ ماماندار قاراستىرىلاتىنىن دا اتاپ ٶتتٸ.
سونىمەن قاتار, پرەزيدەنت سۋديالارعا قويىلاتىن تالاپ ٶزگەرەتٸنٸن جەنە سۋديالاردى ٸرٸكتەۋدە قانداي قاسيەتتەرٸنە باستى نازار اۋدارىلاتىنىن مەلٸمدەدٸ. باستى ٶلشەم پاراساتتىلىق پەن ادالدىق بولۋى شارت ەكەندٸگٸن جەتكٸزدٸ.
مەملەكەت باسشىسى «بولاشاق» باعدارلاماسىمەن تەحنيكالىق مامانداردى رەسەيدە وقىتۋ جٶنٸندەگٸ مەسەلەگە دە توقتالدى. ونىڭ سەبەبٸ, رەسەيدەگٸ تەحنيكالىق مامانداردى دايىندايتىن وقۋ ورىندارى ساپاسىنىڭ جوعارىلىعى مەن تٸلدٸك كەدەرگٸنٸڭ ورىن المايتىندىعىندا ەكەندٸگٸن اتاپ ٶتتٸ. ەرينە, بۇل تۇستا باتىستا وقىعىسى كەلەتٸن جاستارعا ەش كەدەرگٸ جاسالمايتىندىعى ايتىلدى. سونىمەن بٸرگە, پرەزيدەنت باتىستىڭ وقۋ ورنىنىڭ ديپلومىنىڭ بولۋى جوعارى بٸلٸم كٶرسەتكٸشٸ ەمەستٸگٸن اتاپ ٶتتٸ. بۇل جٶنٸندە پرەزيدەنت: «مەن باتىستىق بٸلٸمدٸ دەرٸپتەمەس ەدٸم. وندا دا ٶز پروبلەمالارى بار جەنە بٸز باتىس ۋنيۆەرسيتەتتەرٸ دە ديپلوم شىعاراتىن كەڭسەلەرگە اينالىپ جاتقانىن بٸلەمٸز. اقشانى تٶلە دە, بٸراز ۋاقىتتان كەيٸن ديپلومدى الا بەر, كەيبٸر جاستارىمىز مۇنى پايدالانىپ جٷر», - دەدٸ.
سونداي-اق, قاسىم-جومارت توقاەۆ حالىقتىڭ جاعدايىن كٶتەرۋ ماقساتىندا شاعىن جەنە ورتا بيزنەس ٷلەسٸن ارتتىرۋ, ولارعا قولداۋ كٶرسەتۋ بويىنشا تيٸستٸ شارالار قابىلداناتىنىن جەتكٸزدٸ. بۇل ورايدا, بانكتەردەن جەڭٸلدەتٸلگەن نەسيەلەر بەرۋ جۇمىسى وڭتايلاندىرىلاتىندىعى ايتىلدى. ٶز كەزەگٸندە, بۇل شاعىن جەنە ورتا بيزنەستٸڭ دامۋىنا ەرەكشە سەرپٸن بەرٸپ, ەل ەكونوميكاسىن جاڭعىرتۋدىڭ نەگٸزٸ بولاتىنى انىق.
جالپى, پرەزيدەنتتٸڭ قوعامدا جيٸ تالقىلانىپ, كٶپشٸلٸكتٸڭ كٶكەيٸندە جٷرگەن ماڭىزدى ساۋالدارعا بەرگەن ناقتى ەرٸ تۇشىمدى جاۋاپتارى كٶپشٸلٸكتٸڭ كٶڭٸلٸنە سەنٸم ۇيالاتقانى انىق.
بٷگٸندە ەلٸمٸز قاڭتار وقيعاسى سالدارىنان ورىن العان قيىندىقتاردى سەتتٸلٸكپەن جەڭٸپ, جاڭارۋ كەزەڭٸنە قادام باسىپ كەلەدٸ.
سوندىقتان, دانا حالقىمىز «ساۋساق بٸرٸكپەي, ينە ٸلٸكپەيدٸ» دەمەكشٸ, بارشامىز بٸر شاڭىراق يەسٸندەي جۇدىرىقشا جۇمىلار بولساق, ەلٸمٸزدٸ دامۋدىڭ جاڭا دەڭگەيٸنە كٶتەرەتٸنٸمٸز سٶزسٸز.
قايرات بالابيەۆ , تٷركٸستان وبلىسىنىڭ مەسليحات حاتشىسى
