وسىدان ءبىر اپتا بۇرىن «اكىمدىك قىزمەتكەرىنىڭ» جول اپاتىندا زارداپ شەككەندەردى «كرىشاسىمەن» قورقىتقانى تۇسىرىلگەن ۆيدەو پايدا بولعان ەدى. «وي، ب…، باسقا تابىس كوزىم جوق دەيسىزدەر مە؟ ءارقايسىمىزدىڭ «كرىشامىز» بار. بارلىعىڭىز وسىنى ءتۇسىنۋىڭىز كەرەك. ال ولگەندە عانا ارەكەتىمىز ءۇشىن جاۋاپ بەرەمىز»، — دەپ مالىمدەگەن ەدى قىز.
سونداي-اق، ول ءوزىن اكىمدىكتىڭ قىزمەتكەرىمىن دەپ تانىستارعان بولاتىن. اۋدان اكىمى اپپاراتىنىڭ باسشىسى احمەت اشيماحۋن وسى وقيعادان كەيىن بولىمدەردە جانە بولىمشەلەردە كادرلىق تەكسەرىستەردىڭ جۇرگىزىلگەنىن، ءبىراق بۇل قىزدىڭ قىزمەتكەرلەردىڭ تىزىمىندە جوق ەكەنىن ايتتى. ءتارتىپ ساقشىلارى ۆيدەوروليكتەگى قىزدىڭ كىم ەكەنىن انىقتاپ، ونى الماتى وبلىسىنداعى جەرگىلىكتى پوليسيا قىزمەتىنىڭ عيماراتىنا جەتكىزگەن. وسىلايشا، وعان قىزمەتكەرلەرگە ۆيدەودا نەلىكتەن وسىنشا اگرەسسيا كورسەتكەنىن تۇسىندىرۋگە تۋرا كەلدى. قىزدىڭ ايتۋىنشا، ول رولدە وتىرعان جىگىتتىڭ جوعارى جىلدامدىقپەن ءجۇرىپ، ءۇش جول اپاتىن جاساپ، زارداپ شەككەندەردەن جاسىرىنباق بولعان كەزدە قاتتى قورىققان. سودان ول ايعاي شىعارعان. باسىلىمنىڭ مالىمەتىنشە، 23 جاستاعى سالتانات تالعار قالاسىندا دۇنيەگە كەلگەن.
كوپبالالى وتباسىندا تاربيەلەنىپ جاتىر. جالعىز اناسى بار، ول پەداگوگ بولىپ جۇمىس ىستەيدى ەكەن. قىزدىڭ ايتۋىنشا، ول وسىدان بىرنەشە جىل بۇرىن تالعار قالالىق اكىمدىكتىڭ ءبىر بولىمىندە جۇمىس ىستەگەن. ءبىراق جۇمىسقا ورنالاسقان جىلى-اق، ول اكىمدىكتەگى جۇمىسىنان كەتىپ، جەكەمەنشىك قارجى مەكەمەسىنە جۇمىسقا تۇرعان. كەيىنىرەك مەملەكەتتىك جۇمىسقا قايتىپ كەلمەگەن جانە وعان ەشقانداي دا قاتىسى جوق.
بۇل جولى ول وسى ارەكەتىمەن مەملەكەتتىك قىزمەتكەرلەردىڭ بەدەلىن تۇسىرگەنى ءۇشىن بارلىق مەمقىزمەتكەردەن كوزىنە جاس الىپ، كەشىرىم سۇرادى. سالتاناتتىڭ ايتۋىنشا، ول ۆيدەودا ايتقان سوزدەرىنە راسىندا دا وكىنەدى. سونداي-اق، سالتانات قازاقستاندىقتاردىڭ بۇعان تۇسىنىستىكپەن قاراپ، كەشىرەتىنىنە سەنەدى.
دەرەككوز: kaz.tengrinews.kz
[video width="1280" height="720" mp4="https://dalanews.kz/wp-content/uploads/2017/05/«سوترۋدنيسا-اكيماتا»-س-كرۋتوي-«كرىشەي»-پوپالا-ۆ-رۋكي-پوليسيي.mp4"][/video]
