Osydan bir apta buryn «ákimdik qyzmetkeriniń» jol apatynda zardap shekkenderdi «kryshasymen» qorqytqany túsirilgen vıdeo paıda bolǵan edi. «Oı, b…, basqa tabys kózim joq deısizder me? Árqaısymyzdyń «kryshamyz» bar. Barlyǵyńyz osyny túsinýińiz kerek. Al ólgende ǵana áreketimiz úshin jaýap beremiz», — dep málimdegen edi qyz.
Sondaı-aq, ol ózin ákimdiktiń qyzmetkerimin dep tanystarǵan bolatyn. Aýdan ákimi apparatynyń basshysy Ahmet Ashımahýn osy oqıǵadan keıin bólimderde jáne bólimshelerde kadrlyq tekseristerdiń júrgizilgenin, biraq bul qyzdyń qyzmetkerlerdiń tiziminde joq ekenin aıtty. Tártip saqshylary vıdeorolıktegi qyzdyń kim ekenin anyqtap, ony Almaty oblysyndaǵy jergilikti polısıa qyzmetiniń ǵımaratyna jetkizgen. Osylaısha, oǵan qyzmetkerlerge vıdeoda nelikten osynsha agresıa kórsetkenin túsindirýge týra keldi. Qyzdyń aıtýynsha, ol rólde otyrǵan jigittiń joǵary jyldamdyqpen júrip, úsh jol apatyn jasap, zardap shekkenderden jasyrynbaq bolǵan kezde qatty qoryqqan. Sodan ol aıǵaı shyǵarǵan. Basylymnyń málimetinshe, 23 jastaǵy Saltanat Talǵar qalasynda dúnıege kelgen.
Kópbalaly otbasynda tárbıelenip jatyr. Jalǵyz anasy bar, ol pedagog bolyp jumys isteıdi eken. Qyzdyń aıtýynsha, ol osydan birneshe jyl buryn Talǵar qalalyq ákimdiktiń bir bóliminde jumys istegen. Biraq jumysqa ornalasqan jyly-aq, ol ákimdiktegi jumysynan ketip, jekemenshik qarjy mekemesine jumysqa turǵan. Keıinirek memlekettik jumysqa qaıtyp kelmegen jáne oǵan eshqandaı da qatysy joq.
Bul joly ol osy áreketimen memlekettik qyzmetkerlerdiń bedelin túsirgeni úshin barlyq memqyzmetkerden kózine jas alyp, keshirim surady. Saltanattyń aıtýynsha, ol vıdeoda aıtqan sózderine rasynda da ókinedi. Sondaı-aq, Saltanat qazaqstandyqtardyń buǵan túsinistikpen qarap, keshiretinine senedi.
Derekkóz: kaz.tengrinews.kz
[video width="1280" height="720" mp4="https://dalanews.kz/wp-content/uploads/2017/05/«Sotrýdnısa-akımata»-s-krýtoı-«krysheı»-popala-v-rýkı-polısıı.mp4"][/video]
