سوڭعى وقيعالار جالعان اقپارات تۋرالى 274-باپتى دەكريميناليزاسيالاۋ ماسەلەسىن قايتا كوتەردى، دەپ حابارلايدى Dalanews.kz.
ءماجىلىس دەپۋتاتى ازات پەرۋاشيەۆتىڭ ايتۋىنشا، قوعامداعى سوڭعى جاعدايلار بۇل تاقىرىپتىڭ وزەكتىلىگىن ارتتىرعان.
«سوڭعى ۋاقىتتاعى وقيعالار بۇل ماسەلەنى قايتا كۇن تارتىبىنە شىعارىپ وتىر، وعان قايتا ورالۋ كەرەك»، – دەدى ول ۇكىمەت كۋلۋارىندا.
ەسكە سالايىق، ق ر قىلمىستىق كودەكسىنىڭ 274-بابى «كورىنەۋ جالعان اقپارات تاراتۋ» ءۇشىن ايىپپۇلدان باستاپ 7 جىلعا دەيىن باس بوستاندىعىنان ايىرۋ جازاسىن قاراستىرادى.
دەپۋتاتتىڭ پىكىرىنشە، ەگەر جۋرناليست اقپاراتتى تىكەلەي ەفيردە باسقا تۇلعالاردىڭ سوزىنەن تاراتسا، وندا جاۋاپكەرشىلىك سول اقپاراتتى ايتقان ادامدارعا جۇكتەلۋى ءتيىس.
سونىمەن قاتار، ول جۋرناليستەر اقپارات كوزدەرىن تەكسەرۋ مىندەتىنەن بوساتىلمايتىنىن اتاپ ءوتتى.
