قازاقستاندا ٶتكەن جىلىتۋ ماۋسىمى ٸرٸ اپاتتارسىز اياقتالعانىمەن, ٷكٸمەت كەلەسٸ كەزەڭگە دايىندىقتى كٷشەيتۋدٸ تالاپ ەتتٸ, دەپ حابارلايدى dalanews.kz.
ٷكٸمەت وتىرىسىندا پرەمەر-مينيستر ولجاس بەكتەنوۆ ەنەرگەتيكا جەنە تۇرعىن ٷي-كوممۋنالدىق شارۋاشىلىق سالاسىنا قاتىستى كەڭ كٶلەمدٸ بايانداما جاساپ, ٶڭٸرلەرگە ناقتى تاپسىرمالار بەردٸ.
«ٶتكەن جىلۋ بەرۋ ماۋسىمى اسا بٸر قاۋٸپتٸ اپاتتىق جاعدايلارسىز اياقتالدى. ەلەكتر ستانتسييالارىنداعى تەحنولوگييالىق بۇزۋشىلىقتار سانى بىلتىرعى جىلمەن سالىستىرعاندا 15%-عا ازايدى. 17 مىڭ مۆت ەلەكتر ەنەرگيياسى ٶندٸرٸلٸپ, تاريحي ەڭ جوعارى دەڭگەيگە قول جەتكٸزٸلدٸ. بۇل – ٶتكەن جىلىتۋ كەزەڭٸمەن سالىستىرعاندا 7%-عا جوعارى», – دەدٸ پرەمەر-مينيستر.
ونىڭ ايتۋىنشا, بۇل نەتيجەلەر قىس مەزگٸلٸنە دايىندىقتىڭ ساپالى جٷرگٸزٸلگەنٸن كٶرسەتەدٸ. سونىمەن قاتار مەملەكەت باسشىسىنىڭ تاپسىرماسى اياسىندا ەنەرگەتيكالىق ينفراقۇرىلىمدى جاڭعىرتۋ جۇمىستارى جالعاسىپ جاتىر.
«تاريفتٸ ينۆەستيتسيياعا ايىرباستاۋ» باعدارلاماسى اياسىندا بيىل ەلەكتر ستانتسييالارىن جٶندەۋ جەنە جاڭعىرتۋ جۇمىستارىنا شامامەن 384 ملرد تەڭگە قارالعان, بۇل ٶتكەن جىلمەن سالىستىرعاندا 9%-عا كٶپ. ۇلتتىق جوبا اياسىندا تەك بيىلدىڭ ٶزٸندە 130 شاقىرىم جىلۋ جەلٸلەرٸ مەن 10,5 مىڭ شاقىرىم ەلەكتر جەلٸلەرٸن جاڭعىرتۋ جوسپارلانعان», – دەدٸ ول.
پرەمەر-مينيستردٸڭ سٶزٸنشە, بۇل شارالار جەلٸلەردٸڭ توزۋىن 48% جەنە 62%-عا دەيٸن تٶمەندەتۋگە مٷمكٸندٸك بەرەدٸ.
سونىمەن بٸرگە ٷكٸمەت رەزەرۆٸنەن ٶڭٸرلەردٸ قولداۋعا قوماقتى قاراجات بٶلٸنگەن.
«بٷگٸندە ٷكٸمەت رەزەرۆٸنەن 25 ملرد تەڭگەدەن استام قارجى بٶلۋ تۋرالى شەشٸم ماقۇلداندى. بۇل قاراجات جەتٸسۋ, اباي, اقمولا جەنە شىعىس قازاقستان وبلىستارىندا جىلۋ كٶزدەرٸن جٶندەۋگە جەنە سالۋعا, سونداي-اق تٶرت ٶڭٸردە 30 شاقىرىمعا جۋىق جىلۋ جەلٸلەرٸن جاڭارتۋعا باعىتتالدى», – دەدٸ بەكتەنوۆ.
الايدا ٷكٸمەت باسشىسى كەيبٸر ٶڭٸرلەردە جۇمىستىڭ باياۋ جٷرٸپ جاتقانىن سىنعا الدى.
«قازٸردٸڭ ٶزٸندە كەيبٸر ٶڭٸرلەردە جۇمىستاردىڭ سوزىلىپ كەتۋ قاۋپٸ تۋىنداپ وتىر. ەگەر كٷزدە ەنەرگييا نىساندارىنىڭ دايىندىق پاسپورتتارى الىنباسا, وندا ٶڭٸر ەكٸمدەرٸ تٸكەلەي جاۋاپ بەرەدٸ», – دەدٸ پرەمەر-مينيستر.
وسىعان بايلانىستى ول ناقتى ەرٸ قاتاڭ تاپسىرمالار جٷكتەدٸ. بٸرٸنشٸ كەزەكتە ەكٸمدٸكتەر ەكٸ اپتا ٸشٸندە بارلىق كونكۋرستىق رەسٸمدەردٸ اياقتاپ, جٶندەۋ جۇمىستارىنا كٸرٸسۋٸ تيٸس.
«ەشقانداي باسى ارتىق بيۋروكراتييا بولماۋى كەرەك. جىلۋمەن قامتاماسىز ەتۋ نىساندارىن جٶندەۋ جۇمىستارىن تامىز ايىنىڭ سوڭىنان كەشٸكتٸرمەي اياقتاۋ قاجەت», – دەدٸ ول.
سونىمەن قاتار بٸلٸم بەرۋ جەنە دەنساۋلىق ساقتاۋ نىساندارى 1 قىركٷيەككە دەيٸن تولىق دايىن بولۋى تيٸس.
سولتٷستٸك, ورتالىق جەنە شىعىس ٶڭٸرلەردە بارلىق ينفراقۇرىلىم 15 قىركٷيەككە دەيٸن, ال قالعان ٶڭٸرلەردە 15 قازانعا دەيٸن تولىق دايىن بولۋى كەرەك.
پرەمەر-مينيستر ەكٸمدەرگە نىسانداردى جەكە باقىلاۋعا الۋدى تاپسىردى.
«ەكٸمدەر جىلۋ نىساندارىنا تۇراقتى تٷردە بارىپ, جاعدايدى جەكە باقىلاۋدا ۇستاۋى قاجەت», – دەدٸ ول.
ەكٸنشٸ تاپسىرما «KEGOC» كومپانيياسىنا قاتىستى بولدى. ەنەرگەتيكا مينيسترلٸگٸمەن بٸرلەسٸپ, 25 مامىرعا دەيٸن ۇلتتىق ماڭىزى بار ستانتسييالاردىڭ جۇمىس رەجيمدەرٸن بەكٸتۋ قاجەت.
سونداي-اق جٶندەۋ جۇمىستارىنىڭ كٶلەمٸن قىسقارتۋعا قاتاڭ تىيىم سالىندى.
ٷشٸنشٸ باعىت – وتىن قورى. ەنەرگەتيكا جەنە كٶلٸك مينيسترلٸكتەرٸ ەكٸمدٸكتەرمەن بٸرگە 1 قىركٷيەككە دەيٸن جىلۋ كٶزدەرٸ مەن تەمٸرجول تۇيىقتارىندا قاجەتتٸ وتىن قورىن الدىن الا جيناقتاۋى تيٸس.
پرەمەر-مينيستر بارلىق جۇمىستار بەلگٸلەنگەن مەرزٸمدە ەرٸ تولىق كٶلەمدە ورىندالۋى كەرەكتٸگٸن قاتاڭ ەسكەرتتٸ.
وسىلايشا, ٷكٸمەت الداعى جىلىتۋ ماۋسىمىنا دايىندىقتى كٷشەيتٸپ, ٶڭٸرلەرگە جاۋاپكەرشٸلٸكتٸ تٸكەلەي جٷكتەپ وتىر.
