پاۆلودار وبلىسىندا ەرٸكتٸ تٷردە كٶشٸپ كەلگەن ازاماتتارعا ارنالعان مەملەكەتتٸك قارجىنى جىمقىرعان شەنەۋنٸكتەردٸڭ الاياقتىق ەرەكەتٸ ەشكەرە بولدى, دەپ حابارلايدى Dalanews.kz.
بۇل تۋرالى وبلىستىق پروكۋراتۋرا مەلٸمدەدٸ. ولاردىڭ دەرەگٸنشە, مەملەكەتتٸك "قۋاتتى ٶڭٸرلەر – ەل دامۋىنىڭ درايۆەرٸ" باعدارلاماسى اياسىندا وڭتٷستٸكتەن سولتٷستٸككە كٶشٸپ كەلگەن ازاماتتارعا باسپانا الۋ ٷشٸن مەملەكەتتەن ەر وتباسىنا 4 ميلليون تەڭگەگە دەيٸن قارجى قاراستىرىلعان. الايدا جەرگٸلٸكتٸ شەنەۋنٸكتەر وسى باعدارلامانى ٶز پايدالارىنا شەشٸپ, بيۋدجەتتٸڭ ميلليونداعان قارجىسىن قالتاعا باسقان.
پاۆلودار وبلىسى بويىنشا ەڭبەك موبيلدٸلٸگٸ ورتالىعىنا قاراستى ۋسپەن اۋدانىنداعى فيليال قىزمەتكەرلەرٸ وڭتٷستٸكتەن كەلگەن ازاماتتارعا ٷيدٸ ارزان باعامەن تاۋىپ بەرٸپ, بٸراق ساتىپ الۋ كەلٸسٸمشارتىنا ەكٸ ەسەلەنگەن باعانى – شامامەن 8 ميلليون تەڭگەنٸ كٶرسەتۋدٸ مٸندەتتەگەن. باعا ايىرماشىلىعىنان تٷسكەن اقشانى كٶشٸپ كەلگەن ازاماتتار شەنەۋنٸكتەرگە قايتا بەرۋٸ تيٸس بولعان. ولار بۇل ەرەكەتتٸ "باعدارلاما شارتتارىنا ساي تالاپ" رەتٸندە تٷسٸندٸرگەن.
وسىلايشا, مەملەكەت بيۋدجەتٸ 144 ميلليون تەڭگەگە شىعىنعا ۇشىراعان. قازٸرگٸ ۋاقىتتا بۇل ٸسكە قاتىستى ەكٸ ادام سوتتالعان: بٸرٸ بەس جىلعا باس بوستاندىعىنان ايىرىلسا, ەكٸنشٸسٸ ٷش جىلعا بوستاندىعىن شەكتەۋ جازاسىنا كەسٸلگەن. الايدا سوت ٷكٸمٸ ەلٸ زاڭدى كٷشٸنە ەنگەن جوق.
بۇعان دەيٸن سولتٷستٸك ايماقتارعا ەرٸكتٸ كٶشٸ-قون باعدارلاماسى تۇرعىندارعا جۇمىس پەن باسپانا ۇسىنسا دا, وڭتٷستٸك تۇرعىندارىنىڭ كٶپشٸلٸگٸ وسى باعدارلاماعا سەنٸمسٸزدٸكپەن قاراپ كەلگەن ەدٸ. ال وسىنداي ەرەكەتتەر باعدارلاماعا دەگەن سەنٸمدٸ تٸپتٸ تٶمەندەتٸپ جٸبەرۋٸ مٷمكٸن.
