بۇگىن وبلىس اكىمىنىڭ مىندەتىن اتقارۋشى نۇرىمبەت ساقتاعانوۆ قىتايدان كەلگەن دەلەگاسيامەن كەزدەستى، دەپ حابارلايدى Dalanews.kz. Bizdinoskemen-گە سىلتەمە جاساپ.
وبلىسىمىزعا كورشى ەلدىڭ التاي قالاسىنان جەرگىلىكتى ساۋدا-ونەركاسىپ پالاتاسىنىڭ ءبىر توپ وكىلى كەلگەن بولاتىن.
ماقساتى – شىعىسقازاقستاندىق ارىپتەستەرىمەن ىنتىماقتاستىق ورناتىپ، نىعايتۋ. قىتايلىق تاراپتى اسىرەسە، بىزدەن اۋىلشارۋاشىلىق ونىمدەرىن ساتىپ الۋ جاعى قىزىقتىرادى ەكەن. بۇل تىزىمگە ءبىرىنشى كەزەكتە وسىمدىك مايى، بال، بالىق، پانتى، ءسۇت سياقتى ونىمدەر ەنگەن.
وسىدان ءبىراز بۇرىن شىعىسقا جاساعان ساپارى بارىسىندا پرەمەر-مينيستر ولجاس بەكتەنوۆ «قاناس – مارقاكول» ترانسشەكارالىق باعىتىن ۇيىمداستىرۋ ءۇشىن تەرەكتى اۋىلىنان مارقاكولگە دەيىنگى جول سالۋ ماسەلەسىن پىسىقتاۋدى، سونداي-اق شقو جولدارىنىڭ بويىندا كەمىندە 15 سانيتارلىق-گيگيەنالىق توراپ، ياعني دارەتحانا سالۋ جونىندە تاپسىرما بەرگەن بولاتىن.
ماقساتى – شىعىسقازاقستاندىق ارىپتەستەرىمەن ىنتىماقتاستىق ورناتىپ، نىعايتۋ. قىتايلىق تاراپتى اسىرەسە، بىزدەن اۋىلشارۋاشىلىق ونىمدەرىن ساتىپ الۋ جاعى قىزىقتىرادى ەكەن. بۇل تىزىمگە ءبىرىنشى كەزەكتە وسىمدىك مايى، بال، بالىق، پانتى، ءسۇت سياقتى ونىمدەر ەنگەن.
وسىدان ءبىراز بۇرىن شىعىسقا جاساعان ساپارى بارىسىندا پرەمەر-مينيستر ولجاس بەكتەنوۆ «قاناس – مارقاكول» ترانسشەكارالىق باعىتىن ۇيىمداستىرۋ ءۇشىن تەرەكتى اۋىلىنان مارقاكولگە دەيىنگى جول سالۋ ماسەلەسىن پىسىقتاۋدى، سونداي-اق شقو جولدارىنىڭ بويىندا كەمىندە 15 سانيتارلىق-گيگيەنالىق توراپ، ياعني دارەتحانا سالۋ جونىندە تاپسىرما بەرگەن بولاتىن.
قىتايلىق دەلەگاسيانى باستاپ كەلگەن التاي ايماعى باس ساۋدا پالاتاسىنىڭ ۆيسە-پرەزيدەنتى چجان چجيدجۋن مىرزا اتالمىش جوبا جۇزەگە اسسا، ودان ەكى جاق تا ۇتاتىنىن ايتتى.
– ءبىزدىڭ ايماققا جىل سايىن ءۇش ميلليونعا جۋىق تۋريست كەلىپ قايتادى. ەگەر قاناس پەن مارقاكول، ودان ءارى كاتونقاراعاي اراسىن جالعايتىن مارشرۋت اشىلسا، سول ءۇش ميلليون ءتۋريستىڭ ءبىرازى سىزدەر جاققا دا ساپار شەگەرى انىق. سول سەبەپتى، وسى بىرلەسكەن جوبانى جۇزەگە اسىرۋعا قوس تاراپ تا مۇددەلى بولۋى كەرەك، – دەدى چان چجيدجۋن.
– جۇڭگو ەلىنىڭ قاي سالادا دا زور جەتىستىكتەرگە جەتىپ جاتقانىن بىلەمىز. ءبىزدى دە الىس-بەرىس، بارىس-كەلىس جاعى قىزىقتىراتىنى راس. البەتتە، سىزدەردىڭ ۇسىنىستارىڭىزدى مۇقياتى قاراپ، زەردەلەيتىن بولامىز. ەڭ باستىسى، كەز كەلگەن ورتاق جوبانى سوڭىنا دەيىن جەتكىزۋگە تىرىسۋىمىز كەرەك، – دەدى نۇرىمبەت ساقتاعانوۆ.
