Búgin oblys ákiminiń mindetin atqarýshy Nurymbet Saqtaǵanov Qytaıdan kelgen delegasıamen kezdesti, dep habarlaıdy Dalanews.kz. Bizdinoskemen-ge silteme jasap.
Oblysymyzǵa kórshi eldiń Altaı qalasynan jergilikti saýda-ónerkásip palatasynyń bir top ókili kelgen bolatyn.
Maqsaty – shyǵysqazaqstandyq áriptesterimen yntymaqtastyq ornatyp, nyǵaıtý. Qytaılyq tarapty ásirese, bizden aýylsharýashylyq ónimderin satyp alý jaǵy qyzyqtyrady eken. Bul tizimge birinshi kezekte ósimdik maıy, bal, balyq, panty, sút sıaqty ónimder engen.
Osydan biraz buryn Shyǵysqa jasaǵan sapary barysynda Premer-mınıstr Oljas Bektenov «Qanas – Marqakól» transshekaralyq baǵytyn uıymdastyrý úshin Terekti aýylynan Marqakólge deıingi jol salý máselesin pysyqtaýdy, sondaı-aq SHQO joldarynyń boıynda keminde 15 sanıtarlyq-gıgıenalyq torap, ıaǵnı dárethana salý jóninde tapsyrma bergen bolatyn.
Maqsaty – shyǵysqazaqstandyq áriptesterimen yntymaqtastyq ornatyp, nyǵaıtý. Qytaılyq tarapty ásirese, bizden aýylsharýashylyq ónimderin satyp alý jaǵy qyzyqtyrady eken. Bul tizimge birinshi kezekte ósimdik maıy, bal, balyq, panty, sút sıaqty ónimder engen.
Osydan biraz buryn Shyǵysqa jasaǵan sapary barysynda Premer-mınıstr Oljas Bektenov «Qanas – Marqakól» transshekaralyq baǵytyn uıymdastyrý úshin Terekti aýylynan Marqakólge deıingi jol salý máselesin pysyqtaýdy, sondaı-aq SHQO joldarynyń boıynda keminde 15 sanıtarlyq-gıgıenalyq torap, ıaǵnı dárethana salý jóninde tapsyrma bergen bolatyn.
Qytaılyq delegasıany bastap kelgen Altaı aımaǵy Bas saýda palatasynyń vıse-prezıdenti Chjan Chjıdjýn myrza atalmysh joba júzege assa, odan eki jaq ta utatynyn aıtty.
– Bizdiń aımaqqa jyl saıyn úsh mıllıonǵa jýyq týrıs kelip qaıtady. Eger Qanas pen Marqakól, odan ári Katonqaraǵaı arasyn jalǵaıtyn marshrýt ashylsa, sol úsh mıllıon týrısiń birazy sizder jaqqa da sapar shegeri anyq. Sol sebepti, osy birlesken jobany júzege asyrýǵa qos tarap ta múddeli bolýy kerek, – dedi Chan Chjıdjýn.
– Qytaı eliniń qaı salada da zor jetistikterge jetip jatqanyn bilemiz. Bizdi de alys-beris, barys-kelis jaǵy qyzyqtyratyny ras. Álbette, sizderdiń usynystaryńyzdy muqıaty qarap, zerdeleıtin bolamyz. Eń bastysy, kez kelgen ortaq jobany sońyna deıin jetkizýge tyrysýymyz kerek, – dedi Nurymbet Saqtaǵanov.
