ۇلىستىڭ ء ۇلى كۇنىن شىعىسقازاقستاندىقتار اعىمداعى جىلى كەڭ كولەمدى شارالاردىڭ وتۋىمەن قارسى الىپ جاتىر.
ناۋرىزدىڭ 13-ىندە مەرەكەگە وراي ونكۇندىك جاريالانىپ، ۇلتارالىق تاتۋلىق پەن بەيبىتشىلىكتى نىعايتۋعا باعىتتالعان 600-عا جۋىق مەرەكەلىك شارا ۇيىمداستىرىلدى، دەپ حابارلايدى Dalanews.kz.
بۇل جايلى شىعىس قازاقستان وبلىسى اكىمىنىڭ ورىنباسارى جاقسىلىق ومار مالىمدەدى.
- ناۋرىز مەرەكەسىنىڭ ءوتۋ بارىسى دا وزگە شارالارداي ەلىمىزدىڭ تاۋەلسىزدىگىنىڭ 25 جىلدىعىنا ورايلاستىرىلىپ وتىر. مەرەكەنى اتاپ وتۋدەگى باستى ماقسات، ەلدەگى بەيبىتشىلىك پەن كەلىسىمدى نىعايتىپ، ۇلتتىق قۇندىلىقتاردى دارىپتەۋگە باعىتتالعان. جوسپار بويىنشا، اي كولەمىندە ايماقتا داستۇرلەر مەن وتباسىلىق قۇندىلىقتاردى ساقتاۋعا جانە نىعايتۋعا ارنالعان 600-عا جۋىق شارا وتەدى، - دەدى جاقسىلىق ومار.
مەرەكەلىك شارالار لەگى 13 ناۋرىزدا «ىرىس كۇنى» جەلەۋىمەن ۇيىمداستىرىلاتىن اۋىل شارۋاشىلىق جارمەڭكەلەر مەن كونسەرتتىك باعدارلامالار وتۋىمەن باستالدى.
14 ناۋرىزدا «ءداستۇر كۇنى» اتتى ۇلتتىق قولونەر بۇيىمدارىنىڭ كورمەسى مەن شەبەرلەردىڭ قاتىسۋىمەن كەزدەسۋلەر ءوتتى.
ال 15 ناۋرىز كۇنى، «جاڭعىرۋ كۇنى» ايماق پەرزەنتحانالارىندا سالتاناتتى تۇردە تۋۋ تۋرالى كۋالىكتەر تابىستالادى.
ناۋرىزدىڭ 16-شى جۇلدىزىندا «كوكتەم شۋاعى» اتاۋىمەن ءتۇرلى فلەش-موبتار، جاسوسپىرىمدەر قاتىسۋىمەن كونسەرتتەر ءوتتى.
17 ناۋرىز، «قامقورلىق كۇنىندە» جاستار قاۋىمى تىل، ەڭبەك جانە سوعىس ارداگەرلەرىن مەرەكەلەرىمەن قۇتتىقتادى.
ال بۇگىن، 18 ناۋرىز «جاڭارۋ كۇنىندە» قالا تۇرعىندارى سەنبىلىككە شىعىپ، قالا كوشەلەرى مەن ساياباقتاردى قالىپقا كەلتىرۋ جوسپارلانىپ وتىر.
19 ناۋرىزدا «جاراسىم كۇنى»، ءبىلىم وردالارىندا ۇزدىك شىعارمالار مەن ولەڭدەر اراسىندا بايقاۋ جاريالانىپ، كىتاپحانالاردا ناۋرىز مەرەكەسىنىڭ تاريحىمەن تانىستىراتىن ادەبي كەشتەر وتەدى.
20 ناۋرىز «قۋانىش كۇنىندە» قالانىڭ ورتالىق كوشەلەرى، دەنساۋلىق ساقتاۋ، ءبىلىم، ورىندارىنىڭ مەكەمەلەرى ارلەندىرىلەدى.
21 ناۋرىزدا «شاتتىق كۇنى»، ءان، بي بايقاۋلارى، ايتىس ءوتىپ، ءتۇرلى شىعارماشىلىق قايراتكەرلەرىمەن كەزدەسۋلەر وتەدى.
ال 22 ناۋرىزدا «ۇلىس كۇنىندە» نەگىزگى مەرەكەلىك شارالار: كوكپار، كۇرەس، قىزقۋۋ سىندى ويىندار، «ەڭ ۇزدىك كيىز ءۇي» بايقاۋى سىندى سايىستار مەن ءتۇرلى بايقاۋلار وتەدى.
