Ulystyń úly kúnin shyǵysqazaqstandyqtar aǵymdaǵy jyly keń kólemdi sharalardyń ótýimen qarsy alyp jatyr.
Naýryzdyń 13-inde merekege orai onkúndik jariialanyp, ultaralyq tatýlyq pen beibitshilikti nyǵaitýǵa baǵyttalǵan 600-ǵa jýyq merekelik shara uiymdastyryldy, dep habarlaidy Dalanews.kz.
Bul jaily Shyǵys Qazaqstan oblysy ákiminiń orynbasary Jaqsylyq Omar málimdedi.
- Naýryz merekesiniń ótý barysy da ózge sharalardai elimizdiń táýelsizdiginiń 25 jyldyǵyna orailastyrylyp otyr. Merekeni atap ótýdegi basty maqsat, eldegi beibitshilik pen kelisimdi nyǵaityp, ulttyq qundylyqtardy dáripteýge baǵyttalǵan. Jospar boiynsha, ai kóleminde aimaqta dástúrler men otbasylyq qundylyqtardy saqtaýǵa jáne nyǵaitýǵa arnalǵan 600-ǵa jýyq shara ótedi, - dedi Jaqsylyq Omar.
Merekelik sharalar legi 13 naýryzda «Yrys kúni» jeleýimen uiymdastyrylatyn aýyl sharýashylyq jármeńkeler men kontserttik baǵdarlamalar ótýimen bastaldy.
14 naýryzda «Dástúr kúni» atty ulttyq qolóner buiymdarynyń kórmesi men sheberlerdiń qatysýymen kezdesýler ótti.
Al 15 naýryz kúni, «Jańǵyrý kúni» aimaq perzenthanalarynda saltanatty túrde týý týraly kýálikter tabystalady.
Naýryzdyń 16-shy juldyzynda «Kóktem shýaǵy» ataýymen túrli flesh-mobtar, jasóspirimder qatysýymen kontsertter ótti.
17 naýryz, «Qamqorlyq kúninde» jastar qaýymy tyl, eńbek jáne soǵys ardagerlerin merekelerimen quttyqtady.
Al búgin, 18 naýryz «Jańarý kúninde» qala turǵyndary senbilikke shyǵyp, qala kósheleri men saiabaqtardy qalypqa keltirý josparlanyp otyr.
19 naýryzda «Jarasym kúni», bilim ordalarynda úzdik shyǵarmalar men óleńder arasynda baiqaý jariialanyp, kitaphanalarda Naýryz merekesiniń tarihymen tanystyratyn ádebi keshter ótedi.
20 naýryz «Qýanysh kúninde» qalanyń ortalyq kósheleri, densaýlyq saqtaý, bilim, oryndarynyń mekemeleri árlendiriledi.
21 naýryzda «Shattyq kúni», án, bi baiqaýlary, aitys ótip, túrli shyǵarmashylyq qairatkerlerimen kezdesýler ótedi.
Al 22 naýryzda «Ulys kúninde» negizgi merekelik sharalar: kókpar, kúres, qyzqýý syndy oiyndar, «Eń úzdik kiiz úi» baiqaýy syndy saiystar men túrli baiqaýlar ótedi.
