وسكەمەننىڭ تۇرعىندارى مەن قوناقتارى ءۇشىن ناعىز مەرەكە ۇيىمداستىرىلدى.
بۇگىن وبلىستىق مۋزەي-قورىقتىڭ سول جاعالاۋ كەشەنىندە ناۋرىز مەيرامىن تويلاۋعا جينالعان حالىقتىڭ قاراسى قالىڭ بولدى.

مەرەكەلىك كونسەرت شىعىس قازاقستاننىڭ سوليستەرى مەن شىعارماشىلىق ۇجىمدارىنىڭ قاتىسۋىمەن ءوتتى. قوناققا قازاقستان رەسپۋبليكاسىنىڭ ەڭبەك سىڭىرگەن قايراتكەرى نۇرلان ابدۋللين كەلدى.

مۇراجاي-قورىقتا ساقتالعان بىرەگەي ەكسپوناتتارمەن تانىسۋعا نيەت بىلدىرگەندەر ءۇشىن مۇمكىندىكتەر جاسالدى.

كورمە-جارمەڭكەدە ساندىك-قولدانبالى ونەر شەبەرلەرى ءوز ونىمدەرىن ۇسىندى.
ەرەسەكتەر مەن بالالار ساداق اتۋ، ارقان تارتۋ، سونداي-اق قازاقتىڭ ۇلتتىق ويىنى «اسىق» ويناۋ بويىنشا ۇيىمداستىرىلعان سپورتتىق جارىستارعا قاتىستى.

شقو اكىمى ەرمەك كوشەربايەۆ قالا تۇرعىندارىن ۇلىستىڭ ۇلى كۇنىمەن قۇتتىقتادى. ايماق باسشىسى ناۋرىز مەيرامىنىڭ ءار كۇنى ەرەكشە ەكەنىن اتاپ ءوتتى.

قىدىر اتا رەزيدەنسياسىنىڭ اشىلۋى مەرەكەنىڭ شارىقتاۋ شەگى بولدى. رەزيدەنسيا ۇلتتىق ستيلدە جابدىقتالعان، بۇل قازاق حالقىنىڭ مادەنيەتى مەن باي ءداستۇرىن تاماشالاۋعا مۇمكىندىك بەرەدى.

قىدىر اتا - 22 ناۋرىزعا قاراعان ءتۇنى ءار ۇيگە باقىت پەن مولشىلىق اكەلەتىن ميفولوگيالىق كەيىپكەر، - دەدى شقو مادەنيەت باسقارماسىنىڭ باسشىسى نۇربولات احمەتجانوۆ. - بارلىق ادامدار مەرەكەلىك داستارحان جايىپ، ونى اسىعا كۇتەدى. ءوڭىردىڭ بارلىق تۇرعىندارىن كوكتەمگى ناۋرىز مەيرامىمەن قۇتتىقتايمىن.

نيەت بىلدىرگەندەردىڭ ءبارى قىدىر اتاعا حات جازدى. مەرەكەنىڭ ەرەكشە كۇتىمدەگى جاس قوناقتارىنا سەرتيفيكاتتار مەن ءتاتتى سىيلىقتار تابىس ەتىلدى. ارينە، ەڭ باستى سىيلىق كوكتەمگى كوڭىل-كۇي بولدى.
- ناۋرىز - جاڭارۋ، بەيبىتشىلىك پەن ىزگىلىك مەرەكەسى. بۇگىن تاماشا كوڭىل-كۇيمەن كوكتەمنىڭ كەلۋىن قۋانا قارسى الىپ، ءبىر-بىرىمىزدى مەرەكەمەن قۇتتىقتايمىز، - دەپ ءبولىستى وسكەمەن قالاسىنىڭ تۇرعىنى سۆەتلانا شمۋرىگينا.

- بارشاڭىزعا دەنساۋلىق، باقىت تىلەيمىن. بۇگىنگىدەي مول داستارحان تەك جاقسىلىققا جايىلسىن.