Óskemenniń turǵyndary men qonaqtary úshin naǵyz mereke uiymdastyryldy.
Búgin oblystyq mýzei-qoryqtyń Sol jaǵalaý kesheninde Naýryz meiramyn toilaýǵa jinalǵan halyqtyń qarasy qalyń boldy.
Merekelik kontsert Shyǵys Qazaqstannyń solisteri men shyǵarmashylyq ujymdarynyń qatysýymen ótti. Qonaqqa Qazaqstan Respýblikasynyń eńbek sińirgen qairatkeri Nurlan Abdýllin keldi.
Murajai-qoryqta saqtalǵan biregei eksponattarmen tanysýǵa niet bildirgender úshin múmkindikter jasaldy.
Eresekter men balalar sadaq atý, arqan tartý, sondai-aq qazaqtyń ulttyq oiyny «Asyq» oinaý boiynsha uiymdastyrylǵan sporttyq jarystarǵa qatysty.
Qydyr ata rezidentsiiasynyń ashylýy merekeniń sharyqtaý shegi boldy. Rezidentsiia ulttyq stilde jabdyqtalǵan, bul qazaq halqynyń mádenieti men bai dástúrin tamashalaýǵa múmkindik beredi.
Qydyr ata - 22 naýryzǵa qaraǵan túni ár úige baqyt pen molshylyq ákeletin mifologiialyq keiipker, - dedi ShQO mádeniet basqarmasynyń basshysy Nurbolat Ahmetjanov. - Barlyq adamdar merekelik dastarhan jaiyp, ony asyǵa kútedi. Óńirdiń barlyq turǵyndaryn kóktemgi Naýryz meiramymen quttyqtaimyn.
- Naýryz - jańarý, beibitshilik pen izgilik merekesi. Búgin tamasha kóńil-kúimen kóktemniń kelýin qýana qarsy alyp, bir-birimizdi merekemen quttyqtaimyz, - dep bólisti Óskemen qalasynyń turǵyny Svetlana Shmýrygina.
- Barshańyzǵa densaýlyq, baqyt tileimin. Búgingidei mol dastarhan tek jaqsylyqqa jaiylsyn.
