2024 جىلى مەملەكەتتىك قىزمەتكەرلەر اراسىنداعى ەڭ جوعارى جالاقى پرەمەر-مينيستر مەن ونىڭ ورىنباسارلارىنا تيەسىلى بولدى. ولاردىڭ ايلىق تابىسى ورتا ەسەپپەن 2،46 ميلليون تەڭگەنى قۇرادى. بۇل قازاقستانداعى ورتاشا جالاقىدان (390،3 مىڭ تەڭگە) 6 ەسە جوعارى، دەپ حابارلايدى Dalanews.kz.

گوسارحيۆ تەلەگرام ارناسى جالاقىسى جوعارى لاۋازىمداردى اتادى.

“مينيسترلەر مەن ولاردىڭ ورىنباسارلارى – 1،52 ملن تەڭگە، ءماجىلىس دەپۋتاتتارى – 1،26 ملن تەڭگە، سەنات دەپۋتاتتارى – 1،13 ملن تەڭگە، وبلىس جانە ءىرى قالا اكىمدەرى – 1،69 ملن تەڭگە الادى”، — دەپ مالىمدەدى دەرەككوز.

ال ايەل شەنەۋنىكتەردىڭ جالاقىسى ەرلەرگە قاراعاندا جوعارى بولعان.

ماسەلەن، ماجىلىستە جۇمىس ىستەيتىن ايەل دەپۋتاتتار ورتا ەسەپپەن 1،92 ملن تەڭگە السا، ەرلەر – 1،09 ملن تەڭگە تابىس تاپقان.

ال وبلىس ورتالىعى بولىپ سانالاتىن قالالاردىڭ اكىمدەرى ەڭ تومەنگى جالاقى العان – 836،9 مىڭ تەڭگە.

ەسكە سالايىق، بۇعان دەيىن ەڭبەك جانە الەۋمەتتىك قورعاۋ ءمينيسترى قاي ءوڭىردىڭ تۇرعىندارى ەڭ كوپ جالاقى الاتىنىن ايتقان بولاتىن.

شەنەۋنىكتىڭ سوزىنشە، مۇناي كاسىپورىندارى ورنالاسقان ايماقتىڭ تۇرعىندارى جالاقىنى كوپ الاتىنىن ايتتى. 

بۇل باتىس وڭىرلەرى: اتىراۋ، ماڭعىستاۋ، اقتوبە وبلىستارى. ءبىراق مەن بىردەن نازار اۋدارعىم كەلەتىن جايت: ولاردىڭ وڭىرلەردەگى ورتاشا جالاقىسى جوعارى، ال قالعاندارى مۇناي سالاسىندا جۇمىس ىستەيتىندەردىڭ جالاقىسى، مىسالى، مۇعالىمدەر مەن دارىگەرلەر، ولار ورتاشا العاندا رەسپۋبليكاداعىداي جالاقى الادى.

كەنشىلەر ءۇشىن دە ولاردىڭ قاي ايماقتا جۇمىس ىستەيتىنىنە بايلانىستى. ەگەر ولار شاحتادا جۇمىس ىستەسە، وندا ءبىر جالاقى، ەگەر شاحتادان تىس بولسا باسقا جالاقى»، - دەپ ءتۇسىندىردى دۇيسەنوۆا ۇكىمەتتە وتكەن باسپا ءسوز ءماسليحاتىندا.