2024 jyly memlekettik qyzmetkerler arasyndaǵy eń joǵary jalaqy Premer-ministr men onyń orynbasarlaryna tiesili boldy. Olardyń ailyq tabysy orta eseppen 2,46 million teńgeni qurady. Bul Qazaqstandaǵy ortasha jalaqydan (390,3 myń teńge) 6 ese joǵary, dep habarlaidy Dalanews.kz.
GosArhiv telegram arnasy jalaqysy joǵary laýazymdardy atady.
“Ministrler men olardyń orynbasarlary – 1,52 mln teńge, Májilis depýtattary – 1,26 mln teńge, Senat depýtattary – 1,13 mln teńge, Oblys jáne iri qala ákimderi – 1,69 mln teńge alady”, — dep málimdedi derekkóz.
Al áiel sheneýnikterdiń jalaqysy erlerge qaraǵanda joǵary bolǵan.
Máselen, Májiliste jumys isteitin áiel depýtattar orta eseppen 1,92 mln teńge alsa, erler – 1,09 mln teńge tabys tapqan.
Al oblys ortalyǵy bolyp sanalatyn qalalardyń ákimderi eń tómengi jalaqy alǵan – 836,9 myń teńge.
Eske salaiyq, buǵan deiin Eńbek jáne áleýmettik qorǵaý ministri qai óńirdiń turǵyndary eń kóp jalaqy alatynyn aitqan bolatyn.
Sheneýniktiń sózinshe, munai kásiporyndary ornalasqan aimaqtyń turǵyndary jalaqyny kóp alatynyn aitty.
Bul batys óńirleri: Atyraý, Mańǵystaý, Aqtóbe oblystary. Biraq men birden nazar aýdarǵym keletin jait: olardyń óńirlerdegi ortasha jalaqysy joǵary, al qalǵandary munai salasynda jumys isteitinderdiń jalaqysy, mysaly, muǵalimder men dárigerler, olar ortasha alǵanda respýblikadaǵydai jalaqy alady.
Kenshiler úshin de olardyń qai aimaqta jumys isteitinine bailanysty. Eger olar shahtada jumys istese, onda bir jalaqy, eger shahtadan tys bolsa basqa jalaqy», - dep túsindirdi Dúisenova úkimette ótken baspasóz máslihatynda.
