بىلىكتى مامانداردىڭ قول استىندا جاتتىعاتىن بالا سانى 800-دەن اسادى. سالاۋاتتى ءومىر سالتىن ۇستانعان ۇرپاق اتالعان مەكەمەدە سپورتتىڭ 10 تۇرىمەن شۇعىلدانادى.
مەكتەپتە سپورتتىق گيمناستيكا، اۋىر اتلەتيكا، بوكس، دزيۋدو، گرەك-ريم كۇرەسىمەن شۇعىلدانۋعا ارنالعان ارنايى زالدار جاساقتالعان. سونداي-اق، ۇزىندىعى 25 مەتر بولاتىن 6 جولاققا بولىنگەن باسسەين دە جۇمىس جاسايدى. جاتتىعۋدان كەيىن، رەتكە كەلۋ ءۇشىن بارلىق زالداردا سەبەزگى قوندىرعىلارى جانە ماسساج، دارىگەرلىك باقىلاۋ كابينەتى بار.
«زالدار تەگىستەي سپورتتىق جابدىقتارمەن، قۇرال-سايماندارمەن جابدىقتالعان جانە سپورت زالدارىنا كۆارس شامدارى ورناتىلعان، بۇل وقۋ پروسەسىنە سپورتتىڭ سان الۋان ءتۇرى بويىنشا وقۋ باعدارلامالارىن يگەرۋگە مۇمكىندىك بەرەدى»، - دەيدى ««وركەن» بالالار مەن جاسوسپىرىمدەر سپورت مەكتەبى» كمم ديرەكتورى راميل مۇراتوۆ.
وسى جىلدار ىشىندە مەكتەپ سپورتتىق بازانى نىعايتۋدا جانە سپورتشىلاردى دايارلاۋدا ايتارلىقتاي جەتىستىكتەرگە قول جەتكىزگەن. مەكتەپ اشىلعاننان بەرى 14-سپورت شەبەرى، 80-سپورت شەبەرىنە ۇمىتكەر، 46 - ءى سپورتتىق رازريادتى جانە 500-دەن استام بۇقارالىق رازريادتى سپورتشى دايىندالدى. 2019-2020 وقۋ جىلى ءار ءتۇرلى دارەجەدەگى جارىستاردا 30 التىن، 36 كۇمىس جانە 44 قولا مەدالدى قانجىعالارىنا بايلاعان.
