Bilikti mamandardyń qol astynda jattyǵatyn bala sany 800-den asady. Salaýatty ómir saltyn ustanǵan urpaq atalǵan mekemede sporttyń 10 túrimen shuǵyldanady.
Mektepte sporttyq gımnastıka, aýyr atletıka, boks, dzúdo, grek-rım kúresimen shuǵyldanýǵa arnalǵan arnaıy zaldar jasaqtalǵan. Sondaı-aq, uzyndyǵy 25 metr bolatyn 6 jolaqqa bólingen baseın de jumys jasaıdy. Jattyǵýdan keıin, retke kelý úshin barlyq zaldarda sebezgi qondyrǵylary jáne massaj, dárigerlik baqylaý kabıneti bar.
«Zaldar tegisteı sporttyq jabdyqtarmen, qural-saımandarmen jabdyqtalǵan jáne sport zaldaryna kvars shamdary ornatylǵan, bul oqý prosesine sporttyń san alýan túri boıynsha oqý baǵdarlamalaryn ıgerýge múmkindik beredi», - deıdi ««Órken» balalar men jasóspirimder sport mektebi» KMM dırektory Ramıl Muratov.
Osy jyldar ishinde mektep sporttyq bazany nyǵaıtýda jáne sportshylardy daıarlaýda aıtarlyqtaı jetistikterge qol jetkizgen. Mektep ashylǵannan beri 14-sport sheberi, 80-sport sheberine úmitker, 46 - İ sporttyq razrádty jáne 500-den astam buqaralyq razrádty sportshy daıyndaldy. 2019-2020 oqý jyly ár túrli dárejedegi jarystarda 30 altyn, 36 kúmis jáne 44 qola medaldi qanjyǵalaryna baılaǵan.
