پرەزيدەنتتىڭ ايتۋىنشا، بارلىق ازاماتتار ەتنوسارالىق جانە كونفەسسياارالىق قاتىناستاردىڭ قانشالىقتى ماڭىزدى ەكەنىن ءتۇسىنۋى كەرەك. سوندىقتان قازاقستاندا ادامدى ءتىلى، ۇلتى، ءناسىلى بويىنشا قورلاۋعا، بوتەننىڭ نامىسىنا نۇقسان كەلتىرۋگە جول بەرىلمەيدى.
"ءبىز زاڭ بويىنشا جاۋاپقا تارتامىز. كونستيتۋسياعا قارسى مۇنداي جاۋاپسىز قادامدار ەلدىڭ نەگىزگى مۇددەلەرىنە نۇقسان كەلتىرەدى. قازاق ءتىلىن دامىتۋ مەملەكەتتىك ساياساتتىڭ باسىم باعىتتارىنىڭ ءبىرى بولىپ قالا بەرەدى. بۇل سالادا ناتيجە بار.
جالپى، مەملەكەتتىك ءتىلدىڭ قولدانىلۋ اياسى كەڭەيىپ كەلەدى. بۇل تابيعي قۇبىلىس، سوندىقتان قازاق ءتىلىنىڭ ءورىسى شەكتەۋلى دەپ ايتۋعا نەگىز جوق.
زاڭ بويىنشا قازاقستاندا ءبىر عانا مەملەكەتتىك ءتىل بار. ورىس ءتىلى رەسمي ءتىل مارتەبەسىنە يە. ونى قولدانۋعا ءبىزدىڭ زاڭناماعا سايكەس كەدەرگى كەلتىرۋگە بولمايدى"، – دەدى مەملەكەت باسشىسى.
...
بۇعان دەيىن "ەگەمەن قازاقستان" گازەتىندە جاريالانعان ماقالاسىندا پرەزيدەنت قازاق ءتىلىن بىلمەيتىندەرگە ۇندەۋ جاساعان.
"ماسەلە - نيەتتە. نيەتتىڭ دۇرىس بولۋى قازاق ءتىلىن مەڭگەرگىسى كەلەتىن ادامدارعا دا، وسى ماقساتقا جەتۋگە جاعداي جاسايتىن ۇكىمەتكە دە بايلانىستى.
مەملەكەتتىك ءتىلدى ءبىلۋ - قازاقستاننىڭ ءاربىر ازاماتىنىڭ پارىزى. مىندەتى دەپ تە ايتۋعا بولادى.
وسى ورايدا مەن بارشا قازاقستاندىقتارعا، ونىڭ ىشىندە قازاق ءتىلىن ءالى جەتە مەڭگەرمەگەن وتانداستارىما ۇندەۋ تاستاعىم كەلەدى. جاستار اعىلشىن ءتىلىن نەمەسە باسقا دا تىلدەردى از عانا ۋاقىتتا مەڭگەرە الاتىنىن كورىپ وتىرمىز. تۇتاس بۋىن الماسقان وسى جىلداردا قازاق ءتىلىن ۇيرەنگىسى كەلگەن ادام ونى الدەقاشان ءبىلىپ شىعار ەدى. حالقىمىزدا "ەشتەن كەش جاقسى" دەگەن ءسوز بار. ەڭ باستىسى، ىنتا بولۋى كەرەك"، - دەگەن-تۇعىن توقايەۆ.
https://dalanews.kz/del-qazir/67239-ol-gruziiaga-qashty-resey-basylymda
