Prezidenttiń aitýynsha, barlyq azamattar etnosaralyq jáne konfessiiaaralyq qatynastardyń qanshalyqty mańyzdy ekenin túsinýi kerek. Sondyqtan Qazaqstanda adamdy tili, ulty, násili boiynsha qorlaýǵa, bótenniń namysyna nuqsan keltirýge jol berilmeidi.
"Biz zań boiynsha jaýapqa tartamyz. Konstitýtsiiaǵa qarsy mundai jaýapsyz qadamdar eldiń negizgi múddelerine nuqsan keltiredi. Qazaq tilin damytý memlekettik saiasattyń basym baǵyttarynyń biri bolyp qala beredi. Bul salada nátije bar.
Jalpy, memlekettik tildiń qoldanylý aiasy keńeiip keledi. Bul tabiǵi qubylys, sondyqtan qazaq tiliniń órisi shekteýli dep aitýǵa negiz joq.
Zań boiynsha Qazaqstanda bir ǵana memlekettik til bar. Orys tili resmi til mártebesine ie. Ony qoldanýǵa bizdiń zańnamaǵa sáikes kedergi keltirýge bolmaidy", – dedi Memleket basshysy.
...
Buǵan deiin "Egemen Qazaqstan" gazetinde jariialanǵan maqalasynda prezident qazaq tilin bilmeitinderge úndeý jasaǵan.
"Másele - niette. Niettiń durys bolýy qazaq tilin meńgergisi keletin adamdarǵa da, osy maqsatqa jetýge jaǵdai jasaityn Úkimetke de bailanysty.
Memlekettik tildi bilý - Qazaqstannyń árbir azamatynyń paryzy. Mindeti dep te aitýǵa bolady.
Osy oraida men barsha qazaqstandyqtarǵa, onyń ishinde qazaq tilin áli jete meńgermegen otandastaryma úndeý tastaǵym keledi. Jastar aǵylshyn tilin nemese basqa da tilderdi az ǵana ýaqytta meńgere alatynyn kórip otyrmyz. Tutas býyn almasqan osy jyldarda qazaq tilin úirengisi kelgen adam ony áldeqashan bilip shyǵar edi. Halqymyzda "Eshten kesh jaqsy" degen sóz bar. Eń bastysy, ynta bolýy kerek", - degen-tuǵyn Toqaev.
https://dalanews.kz/del-qazir/67239-ol-gruziiaga-qashty-resey-basylymda
