ورداباسى اۋدانى اكىمدىگى عيماراتىندا ق ر جوعارعى سوتىندا «سوت جۇيەسىن دامىتۋدىڭ جەتى ءتۇيىنى» جوباسىنىڭ «ە-سوت»، «وڭتايلى ورتا»، «سوتسىز تاتۋلاسۋ ورتالىعى» باعىتتارىن ىسكە اسىرۋ ماقساتىندا اۋداندىق پروكۋراتۋرانىڭ، اۋدانىق ءىىب-نىڭ، اۋدان اكىمشىلىگىنىڭ، اۋدان اكىمشىلىگىنە قاراستى مەملەكەتتىك مەكەمەلەردىڭ، «نۇر وتان» پارتياسىنىڭ فيليالىنىڭ وكىلدەرىنىڭ، كاسىبي جانە كاسىبي ەمەس مەدياتورلاردىڭ، اۋىل اكىمدەرىنىڭ، ارداگەرلەر كەڭسەسىنىڭ ءتوراعالارىنىڭ، ب ا ق وكىلدەرىنىڭ قاتىسۋىمەن دوڭگەلەك ۇستەل ءوتتى.

اۋداندىق سوتتىڭ سۋدياسى ا.ءو.قالىقۇل، «ە-سوت» باعىتى «ۆيرتۋالدى سوت» پيلوتتىق جوباسىن جۇزەگە اسىرۋدا، سوت وتىرىستارىن بىرنەشە رەت كەيىنگە قالدىرماۋ جانە سوزبالاڭدىققا سالۋ دەرەكتەرىنە جول بەرمەۋ ءۇشىن، ۆيرتۋالدى تۇردە، وبلىس، قالا، اۋدان ورتالىقتارىنان شالعايدا ورنالاسقان ىسكە قاتىسۋشىلاردىڭ سوت وتىرىسىنا كەلۋىن جەڭىلدەتۋ جانە ىڭعايلى قول جەتىمدى بولۋ ءۇشىن سمارتفون ۇيالى تەلەفونىنا «True – conf» باعدارلاماسىن ورناتىپ، پروسەستى قاشىقتىقتان (ۆكس نەمەسە سمارتفون تەلەفونى ارقىلى) وتكىزۋگە، قىلمىستىق ءىس بويىنشا باس شاراسى قاماۋدا وتىرعان سوتتالۋشىلارمەن تۇزەۋ مەكەمەلەرىنىڭ اراسىندا جانە مەملەكەتتىك ورگانداردىڭ ازاماتتىق ىستەرگە قاتىساتىن وكىلدەرىن، اتالعان مەكەمەلەردىڭ كومپيۋتەرىمەن ينتەرنەت جۇيەسى نەگىزىندە كامەرا ارقىلى سوت پروسەسىنە قاتىسۋىن، قامتاماسىز ەتۋ ءىس-شارالارىن ۇيىمداستىرۋ ءتارتىبىن ءتۇسىندىردى.

سونىمەن قاتار، «وڭتايلى ورتا» باعدارلاماسى شەڭبەرىندە جوعارعى سوتتىڭ كوممۋنيكاسيالىق ستراتەگياسى نەگىزىندە حالىقتىڭ ناقتى قاجەتتىلىكتەرىن قاناعاتتاندىرۋ ءۇشىن قوعام مەن سوتتار اراسىنداعى ءتيىمدى قارىم-قاتىناستى ورناتۋ ماسەلەسىنە توقتالدى.

«سوتسىز تاتۋلاسۋ ورتالىقتارىن» كەڭىنەن ناسيحاتتاۋ، ونى دامىتۋ - قازاق دالاسىنىڭ عاسىرلار بويى ەلدىڭ تىنىشتىعىن مەن تاتۋلىعىن ساقتاي وتىرىپ، بىتىمگەرشىلىك ءرولىن اتقارعان بيلەر ينستيتۋتىنىڭ جالعاسى ەكەنىن اتاپ ءوتتى، تاراپتار اراسىندا تۋىنداعان داۋلاردى شەشۋدىڭ تيىمدىلىگىن، ونى ناسيحاتتاۋ جولىن كەڭەيتۋدىڭ ماڭىزدىلىعىن جەتكىزدى.

 

Dalanews.kz