Ordabasy aýdany ákimdigi ǵımaratynda QR Joǵarǵy Sotynda «Sot júıesin damytýdyń jeti túıini» jobasynyń «E-SOT», «Ońtaıly orta», «Sotsyz tatýlasý ortalyǵy» baǵyttaryn iske asyrý maqsatynda aýdandyq prokýratýranyń, aýdanyq İİB-niń, aýdan ákimshiliginiń, aýdan ákimshiligine qarasty memlekettik mekemelerdiń, «Nur Otan» partıasynyń fılıalynyń ókilderiniń, kásibı jáne kásibı emes medıatorlardyń, aýyl ákimderiniń, ardagerler keńsesiniń tóraǵalarynyń, BAQ ókilderiniń qatysýymen dóńgelek ústel ótti.

Aýdandyq sottyń sýdıasy A.Ó.Qalyqul, «E-SOT» baǵyty «Vırtýaldy sot» pılottyq jobasyn júzege asyrýda, sot otyrystaryn birneshe ret keıinge qaldyrmaý jáne sozbalańdyqqa salý derekterine jol bermeý úshin, vırtýaldy túrde, oblys, qala, aýdan ortalyqtarynan shalǵaıda ornalasqan iske qatysýshylardyń sot otyrysyna kelýin jeńildetý jáne yńǵaıly qol jetimdi bolý úshin smartfon uıaly telefonyna «True – conf» baǵdarlamasyn ornatyp, prosesti qashyqtyqtan (VKS nemese smartfon telefony arqyly) ótkizýge, qylmystyq is boıynsha bas sharasy qamaýda otyrǵan sottalýshylarmen túzeý mekemeleriniń arasynda jáne memlekettik organdardyń azamattyq isterge qatysatyn ókilderin, atalǵan mekemelerdiń kompúterimen ınternet júıesi negizinde kamera arqyly sot prosesine qatysýyn, qamtamasyz etý is-sharalaryn uıymdastyrý tártibin túsindirdi.

Sonymen qatar, «Ońtaıly orta» baǵdarlamasy sheńberinde Joǵarǵy Sottyń komýnıkasıalyq strategıasy negizinde halyqtyń naqty qajettilikterin qanaǵattandyrý úshin qoǵam men sottar arasyndaǵy tıimdi qarym-qatynasty ornatý máselesine toqtaldy.

«Sotsyz tatýlasý ortalyqtaryn» keńinen nasıhattaý, ony damytý - qazaq dalasynyń ǵasyrlar boıy eldiń tynyshtyǵyn men tatýlyǵyn saqtaı otyryp, bitimgershilik rólin atqarǵan bıler ınstıtýtynyń jalǵasy ekenin atap ótti, taraptar arasynda týyndaǵan daýlardy sheshýdiń tıimdiligin, ony nasıhattaý jolyn keńeıtýdiń mańyzdylyǵyn jetkizdi.

 

Dalanews.kz