قازاقستان مۇسىلماندارى دٸني باسقارماسى مەكتەپتە ورامال تاعۋعا مٷمكٸندٸك بەرگەن جەكەمەنشٸك بٸلٸم بەرۋ ۇيىمدارىن ليتسەنزييادان ايىرۋ سيياقتى قاتاڭ شارالاردى قولدانۋدى قۇپتامايدى, دەپ حابارلايدى dalanews.kz.
قمدب سوڭعى كٷندەرٸ قوعامدا مەكتەپ وقۋشىلارىنىڭ ورامال تاعۋىنا قاتىستى مەسەلە قايتا كٶتەرٸلگەنٸن اتاپ ٶتتٸ. بۇعان بۇقارالىق اقپارات قۇرالدارىندا مەكتەپ فورماسىنا قويىلاتىن تالاپتاردى ساقتاماعان, ونىڭ ٸشٸندە وقۋشى قىزدارعا ورامال تاعۋعا رۇقسات بەرگەن جەكەمەنشٸك بٸلٸم بەرۋ ۇيىمدارى ليتسەنزيياسىنان ايىرىلۋى مٷمكٸن ەكەنٸ تۋرالى اقپاراتتىڭ تارالۋى سەبەپ بولعان.
وسىعان بايلانىستى قازاقستان مۇسىلماندارى دٸني باسقارماسى ٶز ۇستانىمىن بٸلدٸردٸ.
يسلام شاريعاتى بويىنشا باليعات جاسىنا جەتكەن مۇسىلمان قىزدىڭ ورامال تاعۋى – پارىز. قمدب بۇل مەسەلەگە قاتىستى دٸني ۇستانىمىنىڭ ٶزگەرمەگەنٸن جەنە وسىعان دەيٸن دە ٶز پوزيتسيياسىن بٸرنەشە رەت اشىق بٸلدٸرگەنٸن ايتتى.
باسقارما مەكتەپ جاسىنداعى قىزداردىڭ بٸلٸم الۋىنا كەدەرگٸ كەلتٸرمەي, دٸني مٸندەتٸن ورىنداۋىنا مٷمكٸندٸك بەرەتٸن وڭتايلى شەشٸم قابىلداۋ جٶنٸندە تيٸستٸ مەملەكەتتٸك ورگاندارعا ۇسىنىستار جولداعان.
قمدب-نىڭ پٸكٸرٸنشە, مەكتەپ فورماسىنىڭ جالپى ٷلگٸسٸ مەن تٷسٸنە سەيكەس كەلەتٸن ورامال تاعۋعا مٷمكٸندٸك بەرۋ مەسەلەسٸن قاراستىرۋعا بولادى.
سونىمەن قاتار دٸني باسقارما باليعات جاسىنا جەتكەن مۇسىلمان قىزداردىڭ مەكتەپ فورماسىنا ٷيلەسپەيتٸن ورامال تاعۋىنا مٷمكٸندٸك بەرۋدٸ قولدامايدى.
«بٸزدٸڭ پايىمىمىزشا, وقۋشىنىڭ ورامال تاعۋى ونىڭ بٸلٸم الۋىنا كەدەرگٸ بولماۋى تيٸس. سول سەكٸلدٸ بٸلٸم بەرۋ ۇيىمدارىنىڭ مۇسىلمان قىزداردىڭ دٸني ۇستانىمىنا تٷسٸنٸستٸك تانىتۋى مەكتەپتٸ ليتسەنزييادان ايىرۋعا نەگٸز بولاتىن مەسەلەگە اينالماعانى جٶن. وسى سەبەپتٸ قمدب ورامال تاعۋعا مٷمكٸندٸك بەرگەن جەكەمەنشٸك مەكتەپتەردٸ ليتسەنزييادان ايىرۋ سەكٸلدٸ قاتاڭ شارالاردى قولدانۋدى قۇپتامايدى», – دەلٸنگەن باسقارما حابارلاماسىندا.
قمدب زايىرلىلىق ۇعىمى دٸندٸ جوققا شىعارۋ نەمەسە ازاماتتىڭ دٸني سەنٸمٸن شەكتەۋ دەگەن سٶز ەمەس ەكەنٸن اتاپ ٶتتٸ. زايىرلى مەملەكەتتە دٸن مەملەكەتتەن بٶلٸنگەنٸمەن, ازاماتتاردىڭ ار-وجدان بوستاندىعىنا قۇرمەتپەن قاراۋ قاعيداتى ساقتالادى.
باسقارما قازاقستان زاڭناماسىندا دا زاڭدى دٸني قىزمەتكە كەدەرگٸ كەلتٸرۋگە جەنە ادامنىڭ دٸنگە كٶزقاراسىنا بايلانىستى ازاماتتىق قۇقىقتارىنىڭ بۇزىلۋىنا جول بەرٸلمەيتٸنٸ كٶرسەتٸلگەنٸن ەسكە سالدى.
قمدب ورامال مەسەلەسٸ قوعامدا بٸرنەشە جىلدان بەرٸ تالقىلانىپ كەلە جاتقانىن اتاپ ٶتتٸ. ونى تەك تىيىم سالۋ جەنە ەكٸمشٸلٸك شارالار ارقىلى شەشۋ قوعامداعى تٷسٸنٸسپەۋشٸلٸكتٸ ودان ەرٸ تەرەڭدەتۋٸ مٷمكٸن.
سوندىقتان دٸني باسقارما وقۋ-اعارتۋ مينيسترلٸگٸنە جەنە باسقا دا ۋەكٸلەتتٸ مەملەكەتتٸك ورگاندارعا مەكتەپ فورماسىنىڭ تالاپتارىن ساقتاي وتىرىپ, باليعات جاسىنا جەتكەن مۇسىلمان قىزدارعا ورامال تاعۋعا مٷمكٸندٸك بەرەتٸن ناقتى قۇقىقتىق تەتٸك قاراستىرۋدى ۇسىندى.
«بٸز ٷشٸن بالالارىمىزدىڭ ەرٸ بٸلٸمدٸ, ەرٸ تەربيەلٸ, ەرٸ ٶز سەنٸمٸنە قۇرمەتپەن قارايتىن ازامات بولىپ قالىپتاسۋى ماڭىزدى», – دەپ اتاپ ٶتتٸ قمدب.
باسقارما اتالعان مەسەلەنٸ مەملەكەتتٸك ورگاندار, دٸن ٶكٸلدەرٸ, اتا-انالار جەنە ساراپشىلاردىڭ قاتىسۋىمەن سىندارلى ديالوگ ارقىلى شەشۋگە دايىن ەكەنٸن مەلٸمدەدٸ.
