سولتٷستٸك كورەيانىڭ يونبەندەگٸ نەگٸزگٸ يادرولىق كەشەنٸندە جاڭا ۋران بايىتۋ نىسانى سالىنعان, دەپ حابارلايدى dalanews.kz.
ماگاتە مەلٸمەتٸنشە, جاڭا ەكٸ قاباتتى عيماراتتا 28-گە دەيٸن تسەنتريفۋگا كاسكادى ورنالاسا الادى. ۇيىم سولتٷستٸك كورەيانىڭ كاڭسونداعى ۋران بايىتۋ نىسانىنىڭ دا كەڭەيتٸلگەن بٶلٸگٸنٸڭ جۇمىس ٸستەي باستاعانىن انىقتاعان.
بۇل نىسانداردىڭ جۇمىس ٸستەۋٸ مەن قارۋعا جارامدى يادرولىق ماتەريال ٶندٸرۋ كٶلەمٸنٸڭ ارتۋىن الاڭداتارلىق جاعداي دەپ باعالادى. ۇيىم سولتٷستٸك كورەيانىڭ يادرولىق باعدارلاماسىن كەڭەيتۋٸ بۇۇ قاۋٸپسٸزدٸك كەڭەسٸنٸڭ قارارلارىن بۇزاتىنىن اتاپ ٶتتٸ.
سولتٷستٸك كورەيادا ينسپەكتورلارى 2009 جىلدان بەرٸ بولماعاندىقتان, نىساندارداعى جاعدايدى سپۋتنيكتٸك سۋرەتتەر مەن اشىق دەرەكتەر ارقىلى باقىلاپ وتىر.
