قازاقستاندا تسيفرلىق اكتيۆتەرٸن ليتسەنزييالانباعان پلاتفورمالاردا ۇستايتىن ازاماتتارعا سالىقتىق راقىمشىلىق جاساۋ ۇسىنىلدى, دەپ حابارلايدى dalanews.kz.
ۇسىنىسقا سەيكەس, سالىق تٶلەۋشٸ 2028 جىلعى 31 جەلتوقسانعا دەيٸن تسيفرلىق اكتيۆتەرٸن ليتسەنزييالانباعان پلاتفورمالاردان تسيفرلىق اكتيۆتەر قىزمەتتەرٸن كٶرسەتۋشٸلەردٸڭ ليتسەنزييالانعان پلاتفورمالارىنا تولىق اۋدارعان جاعدايدا, تسيفرلىق اكتيۆتەرمەن جاسالعان وپەراتسييالارعا بايلانىستى جەكە تۇلعانىڭ جەكە شوتىندا ەسەپتە تۇرعان بەرەشەك سالىقتىق بەرەشەك بولىپ تانىلمايدى.
سونداي-اق وسى بەرەشەككە ەسەپتەلگەن ٶسٸمپۇل مەن سالىق سالۋ سالاسىنداعى قۇقىق بۇزۋشىلىقتار ٷشٸن سالىنعان ايىپپۇلدى ەسەپتەن شىعارۋ ۇسىنىلىپ وتىر. بۇل نورمالار 2026 جىلعى 1 قاڭتاردان 2028 جىلعى 31 جەلتوقسانعا دەيٸنگٸ كەزەڭدەگٸ تسيفرلىق اكتيۆتەر وپەراتسييالارىنان تٷسكەن كٸرٸستەرگە قاتىستى بولادى.
زاڭ جوباسىن ەزٸرلەۋشٸلەردٸڭ ايتۋىنشا, قازاقستاندا ەل اۋماعىندا ليتسەنزييالانباعان جاھاندىق كريپتوپلاتفورمالاردا الىنعان تسيفرلىق اكتيۆتەرگە سالىق سالۋدىڭ اشىق مەحانيزمٸ جوق.
ولاردىڭ پٸكٸرٸنشە, مۇنداي پلاتفورمالاردى پايدالانۋشىلار سالىقتىق جٷكتەمەدەن جەنە قاراجاتتىڭ شىعۋ تەگٸن راستاۋ قاجەتتٸلٸگٸنەن قاۋٸپتەنٸپ, اكتيۆتەرٸن ليتسەنزييالانعان بيرجالارعا اۋدارۋعا اسىقپايدى. بۇل تسيفرلىق اكتيۆتەر اينالىمىنىڭ شامامەن 47%-ىنىڭ «كٶلەڭكەلٸ» سەكتوردا قالۋىنا ەكەلٸپ وتىر.
«ۇسىنىلىپ وتىرعان شارالار تسيفرلىق اكتيۆتەردٸڭ ەدەۋٸر بٶلٸگٸن كٶلەڭكەدەن شىعارىپ, زاڭدى اينالىمعا ەنگٸزۋگە, ليتسەنزييالانعان پلاتفورمالارعا ٶتٸمدٸلٸك تارتۋعا جەنە كاپيتالدىڭ سىرتقا كەتۋٸنە جول بەرمەۋگە مٷمكٸندٸك بەرەدٸ. سونىمەن قاتار ۇزاق مەرزٸمدٸ ينۆەستيتسييالار ٷشٸن بولجامدى سالىقتىق ورتا قالىپتاسادى», – دەپ تٷسٸندٸردٸ ەزٸرلەۋشٸلەر.
