ەكى ىشەكتىڭ ءبىرىن قاتتى، ءبىرىن ءسال - ءپال كەم بۇرا.
ناعىز قازاق – قازاق ەمەس، ناعىز قازاق – دومبىرا! – دەپ كورنەكتى اقىن، جازۋشى قادىر مىرزا ءالى جىرلاعانداي قازاق حالقىنىڭ ءاربىر شىعارمالارىندا وزىندىك تاريحى بار اق جايىق ولكەسىنىڭ ونەر تاريحىن ناسيحاتتايتىن «دومبىرا -ۇلتتىق رۋح!» اتتى مۋزەيىنىڭ جاڭا ءداۋىرى باستالماق.
قازاق مۋزىكاسىن زەرتتەۋشى كورنەكتى عالىم، ايگىلى كومپوزيتور احمەت جۇبانوۆ اتامىز ايتقانداي، «قازاقتىڭ دومبىراسىنىڭ ءاربىر پەرنەسىندە ءبىزدىڭ وتكەن تاريحىمىز، ءاربىر پەرنەسىندە ءبىزدىڭ قۋانىشىمىز بەن مۇڭىمىز جاتىر» دەپ ءدال ايتقان.
وسىعان وراي، بۇگىن ورالدا قازاقتىڭ تاريحىن، داستۇرلەرى مەن مىزعىماس قۇندىلىقتاردى ناسيحاتتاپ، وتكەن تاريحپەن بۇگىنگى كۇندى بايلانىستىراتىن قۇندى عىلىمي ورتا قالىپتاستىرۋ ماقساتىندا بقو تاريحي-ولكەتانۋ مۋزەيىنىڭ ءبولىمى "دومبىرا – ۇلتتىق رۋح" مۋزەيى اشىلدى.
بابالاردان قالعان مۇرا كوزدەرى مەن تاريحي جادىگەرلەرى جيناقتالىپ ءتورت ەكسپوزيسيالىق زالدان تۇراتىن مۋزەي 1 – دومبىرا تاريحى زالى، 2 –قۇرمانعازى ساعىرباي ۇلى زالى، 3 – قۇرمانعازى وركەسترى زالى، 4 – باتىس ءوڭىرىنىڭ دومبىراشىلارى زالى، مۋزەيگە كەلۋشىلەرگە تىڭ سەرپىن بەرمەك.
مۋزەيدى سالتاناتتى تۇردە باتىس قازاقستان وبلىسى اكىمىنىڭ ورىنباسارى باقىتجان نارىمبەتوۆ پەن وبلىسقا تانىمال تاريحشى، ولكەتانۋشى، مادەنيەت سالاسىنىڭ ارداگەرى جايساڭ اقبايەۆ اشتى.
مۋزەي قورىنا قوبىزشى ىقىلاس دۇكەن ۇلىنىڭ قوبىزىنىڭ كوشىرمەسىن رەسمي تۇردە د.نۇرپەيىسوۆا اتىنداعى قازاق حالىق اسپاپتارى اكادەميالىق وركەسترىنىڭ سوليست-قوبىزشىسى، ونەرتانۋ كانديداتى، ق ر «مادەنيەت سالاسىنىڭ ۇزدىگى»، ىقىلاس اتامىزدىڭ ۇرپاعى اقنار ءتاتتىباي قىزى تابىستادى.
بقو قوعامدىق دامۋ باسقارماسى
