ايتا كەتەرلىگى، ورتالىق 4 باعىت بويىنشا جۇمىس ىستەۋدە. ولار: كونسالتينگ ءبولىمى، بيزنەس-جوسپاردى ازىرلەۋ جانە جوبالاردى سۇيەمەلدەۋ، سونداي-اق رۇقسات قۇجاتتارىن راسىمدەۋ مەن كاسىپكەرلىك مەكتەبى.
2017 جىلدىڭ 11 ايىندا قىزمەت الۋعا ورتالىققا جالپى 15 مىڭعا جۋىق ءوتىنىش تۇسكەن، ولاردىڭ 12 مىڭنان استامى شاعىن جانە ورتا بيزنەس وكىلدەرىنەن بولسا، قالعان 2212ء-ى جەكە تۇلعالاردىڭ ءوتىنىشى.
– كونسالتينگ باعىتىندا مەملەكەتتىك قولداۋ باعدارلامالارى جايلى جانە قارجى ينستيتۋتتارىنىڭ قارجىلاندىرۋ شارتتارى بويىنشا 800-گە جۋىق كاسىپكەردىڭ قاتىسۋىمەن سەمينارلار ۇيىمداستىرىلىپ وتىر. ال بيزنەس-جوسپاردى ازىرلەۋ جانە سۇيەمەلدەۋ اياسىندا 1014 جوبا جالپى سوماسى 4،7 ملرد. تەڭگەگە قارجىلاندىرىلعان. سونىمەن قاتار، 1،6 ملرد. تەڭگەنى قۇرايتىن 39 جوبا قارجىلاي ەمەس مەملەكەتتىك قولداۋعا قول جەتكىزدى، – دەدى عاني ءارىپ ۇلى.
ونىڭ ايتۋىنشا، جالپى بيزنەس جوسپار ازىرلەۋدىڭ بەكىتىلگەن جىلدىق ينديكاتورى 800 بولسا، 11 ايدا 1 مىڭنان استام قىزمەت كورسەتىلگەن.
اعىمداعى جىلدىڭ وسى ۋاقىتىنا دەيىن قارجىلاندىرۋ شارتتارىن ءتۇسىندىرۋ اياسىندا 285 كاسىپكەردىڭ قاتىسۋىمەن 16 كەزدەسۋ ۇيىمداستىرىلىپتى. بۇگىنگى تاڭدا كاسىپكەرلەر مەن ىنتالى تۇلعالار ورتالىقتا كەڭەستەردى تەگىن «ءبىر تەرەزە» قاعيداسى بويىنشا الىپ كەلەدى.
وقو اكىمىنىڭ باسپا ءسوز قىزمەتى
