Aita keterligi, ortalyq 4 baǵyt boiynsha jumys isteýde. Olar: konsalting bólimi, biznes-jospardy ázirleý jáne jobalardy súiemeldeý, sondai-aq ruqsat qujattaryn rásimdeý men kásipkerlik mektebi.
2017 jyldyń 11 aiynda qyzmet alýǵa ortalyqqa jalpy 15 myńǵa jýyq ótinish túsken, olardyń 12 myńnan astamy shaǵyn jáne orta biznes ókilderinen bolsa, qalǵan 2212-i jeke tulǵalardyń ótinishi.
– Konsalting baǵytynda memlekettik qoldaý baǵdarlamalary jaily jáne qarjy institýttarynyń qarjylandyrý sharttary boiynsha 800-ge jýyq kásipkerdiń qatysýymen seminarlar uiymdastyrylyp otyr. Al biznes-jospardy ázirleý jáne súiemeldeý aiasynda 1014 joba jalpy somasy 4,7 mlrd. teńgege qarjylandyrylǵan. Sonymen qatar, 1,6 mlrd. teńgeni quraityn 39 joba qarjylai emes memlekettik qoldaýǵa qol jetkizdi, – dedi Ǵani Áripuly.
Onyń aitýynsha, jalpy biznes jospar ázirleýdiń bekitilgen jyldyq indikatory 800 bolsa, 11 aida 1 myńnan astam qyzmet kórsetilgen.
Aǵymdaǵy jyldyń osy ýaqytyna deiin qarjylandyrý sharttaryn túsindirý aiasynda 285 kásipkerdiń qatysýymen 16 kezdesý uiymdastyrylypty. Búgingi tańda kásipkerler men yntaly tulǵalar ortalyqta keńesterdi tegin «bir tereze» qaǵidasy boiynsha alyp keledi.
OQO ákiminiń baspasóz qyzmeti
