الماتى قالاسىنىڭ تۇرعىنى گٷلجان نوعايباەۆا پرەزيدەنت قاسىم-جومارت توقاەۆقا اشىق ٷندەۋ جاساپ, كٷيەۋٸنٸڭ زاڭسىز قاماۋدا وتىرعانىن مەلٸمدەدٸ. ونىڭ ايتۋىنشا, جۇبايى – ايبەك نوعايباەۆ وليگارح اليدار ٶتەمۇراتوۆتىڭ كومپانيياسىنا تيەسٸلٸ تۇرعىن ٷي قۇرىلىسىندا مەردٸگەر رەتٸندە جۇمىس ٸستەگەن, دەپ حابارلايدى Dalanews.kz.
شاعىمدانۋشىنىڭ ٷندەۋٸ "پيسما پرەزيدەنتۋ" تەلەگرام ارناسىنا جارييالاندى.
ۆيدەو اۆتورىنىڭ سٶزٸنە سٷيەنسەك, نوعايباەۆ تاراپىنان بارلىق جۇمىس تيٸستٸ كەلٸسٸمشارتقا سەيكەس ورىندالعانىمەن, بٸرنەشە جىلدان كەيٸن كەسٸپكەر "اقشا جىمقىردى" دەگەن ايىپپەن تەرگەۋگە تارتىلىپ, قازٸرگٸ ۋاقىتتا التى ايدان بەرٸ سي-18 تەرگەۋ يزولياتورىندا قاماۋدا وتىر.
"كٷيەۋٸم ەشقاشان ول كومپانييادا قىزمەتكەر نەمەسە ماتەريالدىق جاۋاپتى تۇلعا بولعان ەمەس. قىلمىستىق ٸستەگٸ ماتەريالداردىڭ ٶزٸندە قاراجاتتىڭ نەگٸزسٸز الىنعانىن دەلەلدەيتٸن بٸردە-بٸر ساراپتاما نەمەسە اۋديت قورىتىندىسى جوق", — دەيدٸ گٷلجان نوعايباەۆا.
ونىڭ ايتۋىنشا, قۇرىلىس جۇمىستارى زاڭدى كەلٸسٸمشارتپەن بەكٸتٸلگەن, تيٸستٸ تٶلەمدەر شوت-فاكتۋرا جەنە ورىندالعان جۇمىس اكتٸلەرٸ ارقىلى قۇجات جٷزٸندە راستالعان. بٸراق تاپسىرىس بەرۋشٸ تاراپ – ٶتەمۇراتوۆتىڭ كومپانيياسى بٸرنەشە جىلدان كەيٸن كٶرسەتٸلگەن قىزمەت قۇنىنا كەلٸسپەي, تٶلەم جاساۋدان باس تارتقان.
"ازاماتتىق-قۇقىقتىق سيپاتتاعى داۋ قىلمىستىق ٸسكە اينالىپ وتىر. بٸر رەت بۇل ٸس توقتاتىلىپ, قىلمىس قۇرامى جوق دەپ تانىلعان. سوعان قاراماستان, تەرگەۋ ورگاندارى مەن پروكۋراتۋرا بۇل ٸستٸ قايتا قوزعاپ, مەدەۋ اۋداندىق سوتىنا جەتكٸزدٸ", — دەيدٸ شاعىمدانۋشى.
ول پرەزيدەنتتەن ەدٸلەتتٸلٸك سۇراپ, جالعىز باسپاناسى دا يپوتەكادا ەكەنٸن العا تارتتى.
"ەگەر ۇرلىق جاساساق, جالعىز ٷيٸمٸز نەگە بانككە كەپٸلدە تۇر? بايلىق پەن بيلٸككە يە بٸر وتباسىنىڭ سٶزٸ شىندىقتىڭ ورنىن الماستىرماۋى تيٸس", — دەيدٸ ٷش بالانىڭ اناسى.
