ولجاس قۇدايبەرگەنوۆ: «حالىق «قازاقستاندا جاسالعان» تاۋاردى العىسى كەلەدٸ»
- قازٸر يندۋسترييالىق يننوۆاتسييالىق دامۋ مەملەكەتتٸك باعدارلاماسىنىڭ بولاشاعىنا ادامداردىڭ سەنٸمسٸزدٸكپەن قارايتىنىن تٷسٸنۋگە بولادى. سەبەبٸ, باعدارلاما بۇعان دەيٸن حالىقتىڭ تۇرمىسىنا ايتارلىقتاي ٶزگەرٸس ەكەلگەن جوق. ادامدار, قازاقستاندا جاسالعان كيٸمدٸ كيگٸسٸ كەلەدٸ, اياق كيٸمدٸ العىسى كەلەدٸ, تۇرمىستىق تەحنيكالاردى پايدالانعىسى كەلەدٸ, وتاندىق ٷي جابدىقتارىنا قىزىعۋشىلىقپەن قارايدى. سول سەبەپتٸ, الداعى بەسجىلدىقتا وتاندىق تۇتىنۋشىلىق تاۋارلاردى ٶندٸرۋگە كٶبٸرەك كٶڭٸل بٶلگەن دۇرىس دەپ ويلايمىن, - دەيدٸ ولجاس قۇدايبەرگەنوۆ.
سونداي-اق, ماكروەكونوميكالىق زەرتتەۋلەر ورتالىعىنىڭ ديرەكتورى ەكونوميكاداعى ٶڭدەۋشٸ سالانىڭ ٷلەسٸنٸڭ قۇبىلۋىنا قاتىستى ٶز ويىمەن بٶلٸستٸ.
تاعى بٸر ايتا كەتەرلٸگٸ, ەكونوميكامىزداعى ٶنەركەسٸپتٸڭ ٷلەسٸ 30 پايىزدى قۇراپتى. بۇل كٶرسەتكٸش تۇراقتى تٷردە ساقتالىپ كەلگەن بولاتىن.
- 2009 جىلى, 2015 جىلى داعدارىسقا بايلانىستى بۇل كٶرسەتكٸش تٶمەندەگەنٸ راس. 1991 جىلى ٶنەركەسٸپ سالاسىنداعى ٶڭدەۋ ٶنەركەسٸبٸنٸڭ ٷلەسٸ 30 پايىزدىڭ 24 پايىزىن قۇرادى, 4 پايىزى تاۋ-كەن ٶندٸرٸسٸنە تيەسٸلٸ بولدى. سودان بەرگٸ ارالىقتا تاۋ-كەن ٶندٸرٸسٸ ٷنەمٸ ٶسٸپ وتىرىپ, ٶڭدەۋ ٶنەركەسٸبٸنەن وزىپ كەتتٸ. 2012 جىلى كەرٸسٸنشە, تاۋ-كەن ٶنەركەسٸبٸنٸڭ ٷلەسٸ 18 پايىزعا دەيٸن جەتسە, ٶڭدەۋ ٶنەركەسٸبٸنٸڭ ٷلەسٸ 10 پايىزعا دەيٸن قۇلدىراپ كەتكەن, - دەيدٸ ولجاس قۇدايبەرگەنوۆ.
وسى وتىرىستا ايتىلعانداي, 2015 جىلدىڭ قورىتىندىسى بويىنشا, ٷدەمەلٸ يندۋسترييالىق يننوۆاتسييالىق دامۋ مەملەكەتتٸك باعدارلاماسىنىڭ اياسىندا جٷزەگە اسىرىلعان 898 جوبانىڭ 21-ٸ قازٸر توقتاپ تۇر. 21 جوبا بارلىق جٷزەگە اسىرىلعان جوبالاردىڭ 2 پايىزىن قۇرايدى. توقتاپ قالعان جوبالار ايماقتىق جوبا رەتٸندە جەرگٸلٸكتٸ ەكٸمدٸكتەردٸڭ قاداعالاۋىنا الىنعان. «قازاقستاندىق يندۋسترييانى دامىتۋ ينستيتۋتى» اق باسقارما تٶراعاسى ايدىن كٷلسەيٸتوۆ اتاپ ٶتكەندەي, ولاردى قايتا جانداندىرۋ ٷشٸن جۇمىستار جاسالۋدا.
