استانا حالىقارالىق قارجى ورتالىعىنىڭ (AFSA) قارجى قىزمەتتەرىن رەتتەۋ كوميتەتى نۇرحات كوشىموۆتى Binance قازاقستاننىڭ باس مەنەدجەرى بولىپ تاعايىندالعانىن جەتكىزدى، دەپ جازادى Dalanews.kz.
"نۇرحات Binance Kazakhstan-نىڭ دامۋى، رەتتەۋشى ورگاندارمەن ءوزارا ارەكەتتەسۋ، ءبىلىم بەرۋ باستامالارىن ىلگەرىلەتۋ جانە سيفرلىق اكتيۆتەر نارىعىنىڭ تۇراقتى ءوسۋى ءۇشىن سەرىكتەستىكتى نىعايتۋعا جاۋاپتى بولادى"، دەلىنگەن كومپانيا اقپاراتىندا.
Binance Kazakhstan-نىڭ جاڭا باس مەنەدجەرى "بولاشاق" باعدارلاماسىنىڭ ستيپەندياتى جانە كەمبريدجدىڭ قۇقىق ماماندىعى بويىنشا ماگيسترى بولىپ تابىلادى. ونىڭ كاسىبي جولىنىڭ 20 جىلى قۇقىقتىق قامتاماسىز ەتۋ جانە قارجى سالاسىنا ارنالعان. ول Binance Kazakhstan-نىڭ ستراتەگيالىق دامۋىنا، رەتتەۋشىلەرمەن جانە ۇكىمەتپەن ءوزارا ءىس-قيمىلدى نىعايتۋعا، سونداي-اق ەلدىڭ سيفرلىق اكتيۆتەر نارىعىندا يننوۆاسيالاردى ىلگەرىلەتۋگە باسىمدىق بەرەتىن بولادى.
بۇعان دەيىن سايتىمىزدا "1،5 ملن قازاقستاندىق كريپتوۆاليۋتانىڭ كولەڭكەلى نارىعىندا ءجۇر. ۇلتتىق بانك نە ۇسىنادى" اتتى ماقالا جاريالانعان بولاتىن. وسى نارىققا قاتىستى ەلىمىزدەگى زاڭنامادا رەتتەۋدى قاجەت ەتەتىن تومپاق تۇستار كوپ. زاڭ وسالدىعىنان تەمىر توردىڭ ارعى جاعىنا توعىتىلعاندار دا قانشاما؟..
